Almanak Ólafs S. Thorgeirssonar - 01.01.1933, Síða 25

FRANKLIN D. ROOSEVELT.
Eftir séra V. J. Eylands.
©
Það er nú í minnum liaft, að þegar Franklin
Delano Roosevelt var fimm ára að aldri, kom liann,
ásamt föður sínum í heimsókn til Grover Cleveland
forseta. Áhyggjur og erfiði höfðu beygt hinn sterka
mann; gekk hann um gólf í þungu skapi. Alt í einu
sneri hann sér að drengnum, lagði hönd á höfuð
honum og mælti: “Eins óska eg þér litli maður;
mörgum mun þykja ósk mín einkennileg, en hún er
sú að þú verðir aldrei forseti Bandaríkjanna.'’
En svo dutlungafull er rás viðburðanna að einmitt
þessi drengur er nú maðurinn sem innan skamms á
að flytja í Hvíta húsið. Meiri styr stendur nú um
hann en nokkurn annan stjórnmálamann. Af öllum
þeim grúa af ræðum og ritum sem fjallað hafa um
hann síðustu fimm mánuðina, er erfitt að draga
fram sjálfstæða og óháða mynd. Kennir þar svo
mjög öfga bæði í lofi og lasti. í þessari ritgerð skal
reynt að þræða meðalveginn, sem einnig hlýtur að
vera sannleiksleiðin, um íeið og kynna skal þennan
mann íslenzkum lesendum, og benda á nokkur atvik
er báru hann fram til hins glæsilegasta sigurs, á
politískum vettvangi Bandaríkjanna, þann 8. hóv-
ember s. 1.
Franklin D. Roosevelt er fæddur í Hyde Park,
N. Y., 30. janúar 1882. Er hann þannig maður á
besta aldri, rúmlega fimtugur. Foreldrar hans
voru þau James R. Roosevelt og Sara Delano. Voru
þau bæði stórættuð, og töldust til “heldra .fólksins.’’
Ólst Franklin því upp við allsnægtir. Sem dæmi
um fordild cg yfirlætisbrag foreldranna er þess get-
ið að þau sendu drenginn ekki á venjulegan barna-