Muninn - 01.04.1965, Blaðsíða 9

tveggja bindindispostula. í tilefni bindind-
isvikunnar og föstuinngangs hélt svo 5.
bekkur „karneval“ í Lóni á sprengikvöld.
„Herranótt" MR kom hingað norður
sama kvöld. Var þetta 19 manna hópur og
gist var í heimavistinni. Leikrit þeirra,
Grímudans eftir Holberg, var sýnt hér þris-
var. Var ekki laust við, að sumir hinna bráð-
snjöllu leikara okkar fylltust hálfgerðri
minnimáttarkennd að sýningu lokinni.
Fimmtudagskvöldið 11. marz endurguldu
Laugalandsmeyjar heimsókn menntlinga
fyrr í vetur. Munu þær hafa fengið hlýjar
móttökur, en þegar syngja átti „Good night,
ladies," í kveðjuskyni, tóku einhverjir dón-
ar að syngja hið miður gáfulega 1 jóð um
nautpeninginn á Bjarnastöðum. Næsta dag
kom á Sal Páll Kolka læknir og las úr verk-
um sínum. Var góður rómur gerður að
máli hans.
Nú tók að líða að kosningum. Illindi
voru fremur lítil með mönnum og áróður
fyrir frambjóðendum mjög slælega rekinn.
Var það álit margra, að ástæðan fyrir því
væri minna mannval en í fyrra. Var því
haldinn málfundur um félagsmál skólans
síðdegis á laugardag, til að frambjóðendum
gæfist kostur á að auglýsa sig. Framsögu-
ræðuna samdi og flutti Björn Pálsson.
Fundurinn var þrautleiðinlegur. Fljótlega
eftir fundarslit hófst danssamkoma á Sal.
Skemmti þar forkunnar góður kvartett,
skipaður söngmönum úr Karlakór Akur-
eyrar. Var þeim ágætlega tekið. Þess má
geta, að Skógræktarfélagið og hljómsveitin
hirtu gróðann af skemmtun þessari.
Mánudaginn 15. marz var aðalfundur
Hugins haldinn. Fór hann friðsamlega
fram, enda þótt mikill tírni færi í að ræða
lagabreytingar. Ritstjóri Munins fyrir næsta
vetur var kjörinn Gunnar Stefánsson. Gegn
honum sótti Haraldur Blöndal. Svanur
Kristjánsson bar sigurorð af Jósep Blöndal
í formannskosningunni.
Spurningasalur var 18. marz. Heldur
virðast húmoristar í skólanum fáir og mis-
tækir, ef dæma má af sumum spurningun-
um.
Um þessar mundir var mjög vel heppnuð
tónlistarkynning í setustofunni. Fluttu nem-
endur þar sjálfir ýmis þekkt verk, bæði á
píanó og fleiri hljóðfæri. Aðsókn var mjög
góð, enda prýðisvel til kynningarinnar
vandað.
Er menn höfðu jafnað sig eftir kosning-
arnar og eftirstöðvar þeirra, var tekið að
syngja mánaðarfrí. Að tilbeyrandi hávaða
undangengnum var hringt á Sal og mánað-
arfrí gefið fimmtudaginn 25. marz.
í öðrum tíma á mánudag kom á Sal
Valdemar Björnsson fjármálaráðherra
Minnesotaríkis í Bandaríkjunum, en hann
var í stuttri heimsókn hér á Akureyri um
það leyti. Kom hann víða við í erindi sínu,
sem var að mestu í léttum tón.
Laugardagskvöldið 27. marz var lialdið
hlöðuball, sem þriðjubekkingar sáu um að
venju. Aðsókn var ágæt og skemmtu menn
sér hið bezta.
Laugardaginn 20. marz héldu 9 af em-
bættismönnum skólans suður yfir heiðar í
nemendaskipti og komu svo aftur að viku
liðinni. Síðasta dag marzmánaðar komu
þrír sunnanfarar á Sal og sögðu þeim, er
heima sátu, ferðasögu sína. Um kvöldið fór
fram mælskukeppni í setustofunni. Þátt-
taka var góð og skemmtu áheyrendur sér
allvel. 1. verðlaun hlaut Jón Viðar Jón-
mundsson, en Sverri Kristinssyni voru
dæmd 2. verðlaun.
MUNINN 117