Muninn - 01.04.1965, Blaðsíða 13

voru alls skráðir 78 þátttakendur, þar af
engin stúlka, þótt kvenfólk sé um það bil
1/3 nemenda. Ekki veit ég hvort hér er um
að kenna tízku eða úrkynjun, en hér þyrfti
að grípa til einhverra úrræða. Til dæmis
gæti Huginn reynt að fá kvenmann til að
taka að sér framsögu á málfundi eða tekið
til umræðu mál, er kvenþjóðinni eru sér-
lega hugstæð. Eg trúi því ekki að óreyndu,
að kvenfólkið sé í afturför, en staðreynd er,
að þátttaka þess í félagsmálum skólans hef-
ur oftast verið rneiri en nú í vetur. Eru
engar Bríetar Bjarnhéðinsdætur lengur til?
Mjög er ánægjulegt, hvað kennarar skól-
ans hafa stutt félagsstarfið vel í vetur. Má
þar til dæmis taka, að Bókmenntakynning-
ardeild hefur fengið fjóra kennara til fyrir-
lestrahalds á kynningum sínum, og ber að
þakka deildinni það framtak og kennurun-
um velviljann. Auk þess studdu Gísli Jóns-
son og Þórir Sigurðsson starf Hugins af
ráðum og dáð, einkum í sambandi við nám-
skeiðið. Steindór Steindórsson hafði einnig
framsögu á málfundi um skólamál, og fleiri
hafa lagt hönd á plóginn. Kann ég þeim
öllum beztu þakkir fyrir, og er slíkt sam-
starf nemenda og kennara ákaflega æski-
legt.
Erfiður fjárhagur Hugins sníður starf-
seminni oft á tíðum þröngan stakk. Á
þetta ekki sízt við um þá hlið starfseminn-
ar að fá fróða menn til lyrirlestrahalds um
ýmis efni. I vetur hafa kennararnir hlaup-
ið undir bagga í þessu efni, sem fyrr getur,
en slíkt er þó ekki fullnægjandi. Ég tel því,
að skólinn sjálfur ætti að styrkja félagsstarf-
ið meira á þessu sviði, því að það er eitt af
hlutverkum skólans að fá sérfróða menn til
að fræða nemendur með fyrirlestrum um
gagnleg og fróðleg mál. Hugsanlegt væri
því einhverskonar samstarf milli Hugins og
skólastjórnarinnar á þessu sviði, til dæmis
að skólinn bæri hluta þess kostnaðar, sem
slík starfsemi hefur í för með sér og hefði
þá samráð við stjórn Hugins um val fyrir-
lesara. Þannig mætti t. d. hugsa sér að fá
menn til að kynna háskóladeildir og há-
skólanám, en þar gætu auðvitað margir
kennaranna lagt orð í belg.
o O
Ég ætla ekki að fjölyrða hér um starfsemi
einstakra deilda Hugins í vetur. Þær hafa
yfirleitt skilað hlutverki sínu með prýði.
Raunvísindadeildin er mjög vaxandi, og
kynningar Bókmenntakynningardeildar
hafa tekizt vel, enda mjög til þeirra vand-
að. Nokkurs ágreinings gætir um tíma
þann, sem Tónlistardeild velur oftast til
kynninga sinna, og ég tel, að hún ætti að
gera meira af því að hafa kynningar sínar
á venjulegum kvöldtímum í Setustofunni
til að ná til fleiri manna, ef það mætti
verða til þess að stækka hóp tónlistarunn-
enda í skólanum. Tónlistardeild á alls ekki
að vera afmarkaður, lítill hópur, heldur á
hlutverk hennar að vera að auka áhuga nem
enda á tónlist. Bókasafnsdeildin bíður enn
þá svigrúms fyrir starfsemi sína, en vonandi
fer að styttast í þeirri bið.
Ég get loks ekki látið hjá líða að þakka
Páli Skúlasyni hans mikla starf í þágu Mun-
ins í vetur. Það er erfitt verk að halda Mun-
in á flugi, án þess að láta hann nokkurn
tíma lækka flugið, en stefna alltaf npp og
fram á við, en það hefur Páli tekizt af frá-
bærum dugnaði og ósérhlífni. Það verður
ekki auðvelt að taka við af honum.
Að síðustu vil ég þakka öllum, sem stutt
liafa félagsstarfið í vetur og hvetja menn
eindregið til að taka virkari þátt í félagslíf-
inu á vetri komanda, því að þannig öðlast
þeir þroska, reynslu og ánægju, sem aldrei
verður metin til fjár.
Höskuldur Þráinsson.
MUNINN 121