Muninn - 01.05.1997, Qupperneq 38

háðan mínu kynferði. Það eitt að ég á mörg börn
gerir mig háðan, o.s.frv. Vissulega eru nokkur
grundvallaratriði sem menn verða að hafa í huga. Ég
er til að mynda ekki í neinu félagi nema
Blaðamannafélagi íslands, sem ég þó þyrfti helst að
segja mig úr ef vel ætti að vera. Ég er hvorki í
þjóðkirkjunni né KA og allra síst er ég í
stjórnmálaflokki. Þannig að ég tel mig ekki vera
bundinn á klafa neinna hagsmunaaðila í þessu
þjóðfélagi. Það er lykilþátturinn í fjölmiðlum að
fréttamenn mega ekki vera bundnir á klafa neinna
þeirra afla sem þeir eru að fjalla um. Eftir stendur
að allir menn eru háðir. Ég er háður konunni minni
og börnum.
Hver er þín stefna í dag?
Mín stefna í dag er að ala upp börnin mín,
yrkja og stunda atvinnu
mína af kostgæfni. Ég er
búinn að koma mér vel
fyrir og er að mörgu
leyti í draumastarfi. Ég
vinn við það að skrifa og
skrásetja samtímann. Ég
get jöfnum höndum
sinnt þáttagerð og fréttum svo ekki sé talað um
ljóðagerð. Ég get ekki beðið um neitt meira. Ég hef
alla tíð verið mjög lífsglaður maður og bjartsýnn,
alla tíð verið róttækur að því leyti að ég hef aldrei
horft á hlutina sem gefna. Aldrei horft á þau gildi
sem eru ríkjandi í þjóðfélaginu og þau kerfi sem eru
til staðar sem heilagar kýr. Ég hef alltaf viljað sjá
þjóðfélagið þróast eins og það á að þróast og sama
gildir um tungumálið. Ég vil sjá íslenskuna þróast
sem lifandi mál. Við megum ekki vera slíkir
hreinræktendur að eftir nokkrar aldir verði engin
orðatiltæki til nema frá því fyrir 500 árum. Ég held
að það sé mikilvægt fyrir tungumálið að þróast með
nútímanum en gleyma þó ekki fortíðararfi sínum.
Það á að aðlagast nýrri menningu. En það er ekki
þar með sagt að við þurfum að taka inn öll erlend
orð yfir þá hluti sem eru að verða til heldur er
íslenskan slíkur gnægtabrunnur að við getum búið
til ný orð yfir allt og
aðlagað þau íslenskri
stafsetningu og beygingu.
Við þurfum bara að vera
vakandi. Sagan hefur
kennt okkur að íslenskan
hefur þann þrótt til að
bera.
38 MUNINN 1997