Muninn - 01.05.1997, Qupperneq 44

myndir: Orri
UM TÍMANS TÖNN
í ár fagnar skólinn 117 ára afmæli sínu sem er iangur tími í sögu menntastofnunar. Margt getur gerst á 117 árum. Nemendur koma og
fara, skólameistarar og kennarar koma og fara og húsið eignast sérstaka sál og hjarta. Það sem stendur samt alltaf eftir er skólinn sjálfur og
e.t.v. einnig munir í eigu hans, sem handfjatlaðir hafa verið af mörgum og ólíkum nemendum mismunandi tímabila, mismunandi skólameisturum
og kennurum.
BEINIÐ
í kringum 1930 gaf Oddný Guðmundsdóttir, gagnfræðingur 1929,
Sigurði Guðmundssyni skólameistara hvalbein. Bein þetta er talið koma úr síðasta
hvalreka í Norður-Þingeyjarsýslu árið 1921.
Bein af þessu tagi voru víða notuð á landinu, sem „húsgögn" þ.e. þau voru notuð
til þess að sitja á. Sigurður hafði beinið alltaf inni á skrifstofu sinni og sagan segir að á
meðan Sigurður var skólameistari töluðu nemendur um það að þegar skólameistari
kallaði á brotlega nemendur og veitti þeim ákúrur hafi aðrir nemendur talað um að þeir
væru teknir á beinið. Það er þó talið að það hafi aðallega verið kona Sigurðar, Halldóra
Ólafsdóttir, sem sat á beininu og spjallaði við mann sinn.
Orðatiltækið „að vera tekinn á beinið" er því upprunnið í MA og er ekki eldra en
frá því á 4. eða 5. áratugnum.
44 M U N 1 N N
19 9 7