Muninn - 01.05.1997, Side 54

Hvaö er svona
merkilegt viö þaö?
Hvað er svona merkilegt við það að vera karlmaður? Hvað er
svona merkilegt við það að bora í vegg? Hvað er svona
merkilegt við það að bera áburðarpoka? Þessar áleitnu
spurningar komu fram í texta dægurlags sem kvennahljómsveitin
Grýlurnar gerði vinsælt hér fyrir nokkrum árum. Nokkrum
árum? Það fer eftir því hvernig á það er litið. Þetta var um það
leyti sem núverandi fyrstubekkingar voru að skriða úr
móðurkviði og hinir sem iengra eru komnir í skólanum héngu í
pilsföldum mæðra, dagmæðra og fóstra.
Reyndar er þetta upphaf ekkert tengt því sem ég ætla að fjalla
um í þessari grein ef frá er skilinn þessi hluti spurningarinnar:
Hvað er svona merkilegt við það? Við getum hengt næstum hvað
sem er við þessa spurningu, en við höfum enga tryggingu fyrir
þvi að hljóta einhlít svör. Og jafnvel þótt það væri hægt, væri þá
eitthvað merkilegt við þau?
Hvað er svona merkilegt við það að vera nemandi í MA? Ég
veit að mörgum þykir það merkilegt og margir stúdentar úr MA
telja sig sérstaka tegund. Öðru fólki í öðrum skólum þykir
merkilegra að vera þar og koma þaðan, MR-ingum MR,
Verslunarskólanemum Versló, VMA-nemum VMA. Hverjum þykir
sinn fugl fegurstur. Það er fullkomlega eðlilegt. Enn öðrum
þykir óttalega lítils virði að vera í skóla. Það er iíka eðlilegt.
Ef við gefum okkur að það sé einhvers virði að vera í MA og
vera úr MA, hvað er þá svona merkilegt við það? Er MA öðruvísi
en aðrir skólar? Er MA góður skóli? Hvað er góður skóli?
Frammi fyrir spurningum af þessu tagi hættir mörgum til að
alhæfa. Það er þó trúlega kostur íslensks skóiakerfis að
framhaldsskólar fá að vera mismunandi, hafa sín sérkenni, sína
sérvisku, sínar hefðir. Að minnsta kosti enn.
Menntaskólinn á Akureyri er öðruvísi en aðrir skólar, meðal
annars af því að þetta er gamall skóli, bóknámsskóli sem stendur
á fornri hefð, heimavistarskóli í þéttbýli með nemendur úr öllum
landsfjórðungum. Og ég trúi því að hann sé góður skóli - þeim
sem hentar að vinna samkvæmt þeim hefðum sem í skólanum
ríkja. Hann er örugglega ekki jafngóður öllum og sumum er
hann alls ekki góður. Það getum við meðal annars séð á þvi að á
hverju hausti hefja nærfellt 200 nemendur nám í fyrsta bekk og
allmargir bætast við nýir á hverju ári í öðrum bekk. Á hverju
vori eru hins vegar brautskráðir 100-130 stúdentar. Við getum
sagt að rétt ríflega helmingur þeirra sem hefja nám í skólanum
ljúki hér stúdentsprófi. Þessum hópi er Menntaskólinn á
Akureyri vonandi góður, en varla hinum, þeim tæplega helmingi
þeirra sem hingað koma en hverfa brott af ýmsum sökum, alls
ekki allir glaðir í bragði. Margir þeirra fara til náms í öðrum
skólum og una hag sínum betur þar vegna þess að þar eru þarfir
þeirra þetur uppfylltar en hér. Þeir finna annars staðar skóla
sem er þeim góður. Hið sama hentar ekki öllum. Góður skóli er
nefnilega ekki hús eða húsaþyrping. Ekki frekar en hús sé
heimili. Góður skóli er ekki heldur stofnun og starfsfólk eitt og
sér. Góður skóli er allt þetta: Stofnun,
54 M U N 1 N N
19 9 7