Kirkjuritið - 01.01.1937, Blaðsíða 46
INNLENDAR FRÉTTIR.
Kirkjuritiö.
Frá héraðsfundi Húnvetninga.
Á síðasta héraðsfundi Húuavatnsprófastsdærais voru meðal ann-
ars samþyktar þessar tillögur:
„Héraðsfundurinn skorar á kirkjustjórnina að láta sem fyrst
semja handhægar og ódýrar kenslubækur i kristnum fræðum
fyrir barna- og alþýðuskóla landsins samkvæmt ákvæðum hinna
nýju fræðslulaga um kristindómsfræðslu, og að hoðið verði til
verðlaunasamkepni um slikar bækur og verði veitt til þess fé á
fjárlögum og dómnefnd kosin að jöfnu af prestum, kennurum og
foreldrum barna, en kirkjuráðið gengist fyrir málinu bæði að því
er snertir undirbúning og framkvæmd. í bækur þessar séu tekn-
ir m. a. úrvalskaflar úr bibliunni, sérstaklega úr N. t., með stutt-
um og gagnorðum skýringum. í bókina fyrir barnaskólana séuenn-
frenmr teknir úrvalssálmar og kristileg kvæði, sem börnin læri ut-
an að, og sé sem mest af þeim kveðskap undir fögrum löguin,
sem börnin helzt læri og geti sungið. Kirkjusögulegt ágrip sé
kent í barna- og alþýðuskólum eftir því sem við verður komið“.
„Fundurinn mótmælir brauðasamsteypu og fækkun presta, tel-
ur þær stefna í þá átt að rýra kristnihald í landinu. Skorar hann
á landsstjórn og löggjafarvald að gjöra engar breytingar í þá átt
í Húnavatnsprófastsdæmi, nema þar sem óskir koma um það frá
hlutaðeigandi söfnuðum".
„Fundurinn skorar á ríkisstjórnina að taka fylsta tillit til til-
lagna guðfræðisdeildar Háskólans i veitingu dósentsembættisins í
guðfræði, sein enn er óveitt".
Kirkjulegt starf í Reykjavík.
I samráði við dómkirkjuprestana hafa undanfarið verið lialdn-
ar guðsþjónustur i Laugarnesskóla og Mýrarhúsaskóla á Seltjarn-
arnesi. Hafa þeir einkum unnið að því séra Garðar Svavarsson og
Gísli Brynjólfsson cand. theol. Séra Garðar hefir einnig liaft
sunnudagaskóla í Laugarnesskóla, og fer slíkt skólahald nú mjög
í vöxt í bænum. Allar horfur eru á því, að kirkja verði reist í
Laugarneshverfinu þegar á þessu ári.
Kirkjuritið kemur út 10 sinnum á ári — alla mánuði ársins nema
ágúst og septembermánuð — um 20 arkir alls og kostar kr. 5.00
árgangurinn. Gjalddagi 1. apríl — og 1. okt., ef menn kjósa lield-
ur að borga í tvennu lagi. Afgreiðslu og innheiintu annast séra
Helgi Hjálmarsson, Hringbraut 144, simi 4776, Reykjavik.