Kirkjuritið - 01.10.1943, Síða 13

Kirkjuritið
Prestastefnan 1943.
275
íslands árið 1930. Næstu tvö árin dvaldi liann í Reykjavik við
skrifstofustörf. Kvæntist hann 13. júlí 1930 eftirlifandi eigin-
konu sinni Margrétu Björnsdóttur frá Hvammstariga.
Hinn 23. júní 1932 vígðist séra Jón sem settur prestur til Bildu-
dals og þjónaði því embætti tii dánardags, eða rúman tug ára.
Um 6 mánaða skeið dvaldi séra Jón erlendis, aðallega í Eng-
landi og Danmörku og naut þá styrks, samkvæmt lögum um
utanfararstyrk presta. Aðallega mun hann hafa kynnt sér kristi-
legt starf meðal sjómanna.
Séra Jón var einkar vinsæll í söfnuðum sinum. Hann átti
fegurð og hreinleik æskumannsins innra og ytra. Yar hann
maður bjartlyndur og góðlyndur, ágætlega vel gefinn, átti góða
söngrödd og gleðimaður hinn mesti. Hann var einlægur vinur
vina sinna, greiðvikinn, sem bezt mátti verða og áhugasamur
um þau mál, er hann unni. Hann var snjall ræðumaður og áhrifa-
rikur í viðkynningu og framkomu sinni við einstaklinga. Þau
lijón áttu þrjú börn, sem öll eru á lífi og dvelja lijá móður sinni.
Séra Jón var góður og sa'nnur starfsbróðir og vinur.
Séra Þorsteinn Kristjánsson fórst einnig með m/s Þormóði.
Hann ætlaði sér að dvelja nokkra daga i Reykjavík og siðan
hverfa aftur heim til margháttaðra starfa.
Séra Þorsteinn var fæddur 31. ágúst 1891 að Þverá í Eyja-
hreppi í Hnappadalssýslu. Voru foreldrar hans þau Kristján
hreppstjóri Jörundsson og kona hans Helga Þorkelsdóttir.
Stúdentspróf tók hann árið 1912. Fór siðan til Háskólans i
Kaupmannahöfn og hóf þar nám í læknisfræði og lauk prófi í
forspjallavisindum árið eftir. En þá hvarf liann aftur heim. Hætti
við læknisfræðisnámið, eii tók að lesa guðfræði við Háskóla
íslands. Lauk hann þar embættisprófi vorið 1916. Fékk þegar
veitingu fyrir Mjóafjarðarprestakalli í Suður-Múlaprófastsdæmi,
að undangenginni kosningu safnaðarins, og var vígður þangað
28. maí 1917. En ári síðar sótti hann um Breiðabólstað á Skóg-
arstönd og hlaut þar kosningu. Loks sótti hann árið 1922 um
Sauðlauksdalsprestakall og fékk veitingu fýrir prestakallinu
samkvæmt kosningu safnaðarins. Séra Þorsteinn var kvæntur
Guðrúnu Petreu Jónsdóttur. Eiga þau fimm börn á lífi, 2 dæt-
ur og 3 sonu. Ég hefi áður ritað um séra Þorstein, eftir að hann
lézt, og skal ekki endurtaka margt af þvi, sem ég hefi um hann
mælt. Aðeins vil ég segja þetta. Séra Þorsteinn var einn af ágæt-
ustu mönnum stéttar vorrar. Hann elskaði prestsstarfið. Var á-
gætur prédikari, einlægur trúmaður, áhugamaður um uppeldis-
mál og ritaði kennslubók í kristnum fræðum. Hann var hagmæltur