Kirkjuritið - 01.06.1945, Page 26

216
Prestastefnan.
Júní-Júli.
sennilegast ferðast eitthvað um i sumar til þess að atliuga ein-
stök prestssetur. Er ekki vafi á, að brýn þörf er á því, að köma
byggingamálum prestssetranna i betra horf, enda gildandi lög-
gjöf um þessi efni orðin úrelt og ófullnægjandi vegna breyttra
aðstæðna og þeirra stórfeldu verðbreytinga, er orðið hafa á sið-
ustu árum.
Enn er þess að geta, að samkvæmt tillögu, sem samþykkt var
á síðustu prestastefnu, skipaði kirkjumálaráðberra 3ja manna
nefnd til þess að gera tillögur um skipulagningu kirkjulegs starfs
og ýmsra málefna kirkjunnar.
í nefnd þessari eiga sæti biskup, sem er formaður liennar,
prófessor Ásmundur Guðmundsson, tilnefndur af Prestafélagi
íslands og séra Jón borvarðsson prófastur í Vík.
Hefir nefnd þessi þegar haldið allmarga fundi. Verkefni
nefndarinnar er mjög víðtækt og yfirgripsmikið og verður ekki
lokið á skömmum tíma. Enn er starfi hennar ekki komið það
langt, að ég telji rétt að skýra nánar frá því að svo stöddu.
Á síðasta Alj)ingi voru afgreidd þrenn lög, er sérstaklega
snerta kirkjumálin. Launalögin, lög um stofnun dócentsembætt-
is í guðfræði við Háskólannn, er bundið sé við nafn séra Björns
Magnússonar á Borg og lög um tvíritun kirkjubóka.
Skal nú vikið að lögum þessum ofurlítið nánar.
í sambandi við afgreiðslu launalaganna sparaði ég hvorki
vinnu né fyrirhöfn til l>ess að stuðla að því, að kjör prestanna
mættu verða sæmileg og i samræmi við launakjör annarra starfs-
manna þess opinbera, en það liafa þau enganveginn verið und-
anfarið.
Um árangurinn kunna að verða skiptar skoðanir, og vill svo
jafnan verða, að sitt sýnist bverjum, en yfirleitt liygg ég þó, að
ekki verði með réttu sagt, að formaður Prestafélags íslands
])róf. Ásmundur Guðmundsson og ég höfum ekki reynt, eins og
i okkar valdi stóð, að stuðla að viðunandi lausn þessara mála
á Alþingi.
Við framkvæmd launalaganna nýju hafa eðlilega komið fram
allmörg vafa atriði og vandamál, að því er flestar stéttir snertir
og þá ekki síður prestastéttina.
Að því er prestastéttina snertir kemur einkum til álíta:
1. Embættiskostnaður, hversu greiða skuli.
2. Mat á prestssetursjörðum.
3. Afgjald af prestsseturshúsum.
4. Styrkur til þeirra presta i kaupstöðum, sem eigi hafa enn
fengið nein prestssetursbús til íbúðar.