Kirkjuritið - 01.04.1958, Qupperneq 34

Séra Þorsteinn Jóhannesson, íulltrúi,
f. prófastur, sextugur.
Séra Þorsteinn Jóhannesson er
fæddur að Ytri-Tungu á Tjörnesi
24. marz 1898. Voru foreldrar hans
Jóhannes Jóhannesson bóndi á Ytra-
Lóni á Langanesi og Þuríður Þor-
steinsdóttir, kona hans.
Séra Þorsteinn varð stúdent frá
Menntaskólanum í Reykjavik 1920
og guðfræðikandídat frá Háskólan-
um 1924. Sama ár gerðist hann
prestur að Stað í Steingrimsfirði og
þjónaði þar til 1928. Síðan var hann
prestur í Vatnsfirði, og jafnframt
prófastur í Norður-Isafjarðarpró-
fastsdæmi frá ársbyrjun 1939. Hann
hafði einnig nokkra aukaprestsþjón-
ustu á hendi. Hann var formaður
Prestafélags Vestfjarða um árabil
og annaðist ritstjórn tímarits þess, Lindarinnar. Árið 1955 lét hann af
prestsskap og var skipaður fulltrúi i dóms- og kirkjumálaráðuneytinu.
Það leikur ekki á tveim tungum, að séra Þorsteinn hefir verið prýði-
maður í prestastétt og búhöldur bezti. Hann er prédikari ágætur, sem vand-
ar mjög ræður sínar bæði að efni og formi, og ljúfmenni hið mesta, er vill
hvers manns vandræði leysa. Hann var ástsæll með starfsbræðrum sínum
og söfnuðum, sem söknuðu hans mjög, er hann hvarf að vestan. En hug-
ur hans og hjarta fylgja áfram söfnuðunum við Djúpið, þótt leiðir skildu.
Kona séra Þorsteins er Laufey Tryggvadóttir. Þau eiga fimm börn
uppkominn, þrjá syni og tvær dætur.
Kirkjuritið flytur honum beztu afmælisóskir og að honum megi allt
ganga til giftu og blessunar æfinlega.
Á.G.