Kirkjuritið - 01.12.1975, Qupperneq 26

komurnar á kvöldin auk þátttakenda,
segir Gísli. Sennilega öllu fleira fólk,
þegar flest var.
Sá sænski Josephsson
— Hvernig eru ræðumenn valdir á
slíkt mót?
— Það er norræn samstarfsnefnd,
sem undirbýr mótin og dagskrár þeirra
í stórum dráttum, og fulltrúar hverrar
þjóðar í þeirri nefnd ráða mestu um,
hverjir ræðumenn verða frá þjóðum
þeirra. Raunar óskuðum við islending-
ar þó sérstaklega eftir, að Bo Giertz
yrði meðal ræðumanna.
— En hvað er þá að segja um
ræðumenn á þessu móti? Thorsten
Josephsson var ræðumaður á fyrstu
kvöldsamkomunni. Viljið þið gera
nokkra grein fyrir honum?
— Jú, hann er aðalframkvæmda-
stjóri kristilegu stúdentafélaganna og
skólafélaganna í Svíþjóð og hefur ver-
ið það í fimmtán ár, segir síra Jón.
Hann var fyrsti launaði starfsmaður-
inn, sem réðst til þeirra samtaka, eftir
að þau tóku að rétta við að nýju, og
var fyrst einn. Það kom þá f hans hlut
að ferðast mikið um Svíþjóð. Hann er
mjög fylginn sér og duglegur maður og
kemur miklu í verk. Nú held ég, að
starfsmenn samtakanna séu fimmtán,
og þar af eru einir fimm eða sex prest-
ar.
Torsten Josephsson er mjög þekktur
á Norðurlöndum fyrir starf sitt og ræð-
ur sínar, en jafnframt hefur hann svo
verið fulltrúi samtaka sinna í alþjólegu,
kristilegu stúdentastarfi.
Síra Thorsten Josepsson.
— Hann hefur áður komið til ís-
lands?
— Já, fyrir fjórum árum bauð Kristi-
legt stúdentafélag honum hingað
ásamt finnskum kvartett, sem nefndist
raunar „Gospelteamet". Það var í til-
efni af þrjátíu ára afmæli félagsins.
Það er Thorsten Josephsson, sem
á frumkvæðið að þátttöku Kristilegs
stúdentafélags í norrænu samstarfi
síðustu ára. Hann hefur sýnt okkur
sérstakan áhuga og talað okkar máli í
norrænu hreyfingunni.
— Hann hefur verið frumkvöðull
öðrum fremur, að norrænu samstarfi
á þessum vettvangi síðustu ár, er ekki
svo?
— Já, hann hefur lagt manna mesta
áherzlu á norrænt samstarf. Að því er
hann kunnur. Enda segir hann sjálfur,
að það hafi verið sér mikill styrkur að
eiga greiðan aðgang að samstarfs-
264