Sjómannadagsblaðið - 01.06.1984, Qupperneq 37

Undanfarið hafa miklar um-
ræður átt sér stað um öryggisbún-
að á fiskiskipum og nauðsyn þess
að efla hann og bæta og er það vel.
Hér er ekki ætlunin að bæta þar
um heldur að birta, hér „áskorun“
til sjómanna er birtist í Sjómanna
Almanakinu 1926 og á enn í dag
fullt erindi til alra og ekki síst til
þeirra fjölmörgu um land allt er
keypt hafa sér trillur og sportbáta
á liðnum árum.
Áskorun um að nota bárufleyga
Fiskimaður, verndaðu líf þitt og
eigu þína, með því að nota báru-
fleyg; hann hefir þann kost fram
yfir alla heimsins björgunarbáta,
að þú ávalt og alstaðar getur haft
þetta einfalda áhald i bát þínum,
tilbúið til notkunar hvenær sem
þörf gerist.
Úr vanalegum pokastriga er
búinn til poki, hjer um bil 12
þumlunga langur og 5 þumlunga
breiður, sem er hálffylltur með
uppröktum hampi eða öðru slíku;
í bátnum er þar að auki hafður
5—6 lítra brúsi, með vanalegu
lýsi. Þegar þörf gerist að nota
bárufleyginn, er lýsinu hellt í
pokann, svo að hampurinn verði
vel gegnblautur, og síðan er pok-
inn bundinn á kulkynnung, svo
framarlega sem hægt er. (Sje
báran beint á eftir, getur verið
nauðsynlegt að hafa pokana tvo,
sinn á hvorum kinnung.)
Þegar lýsið kemur í sjóinn,
breiðist það út og vendar bátinn
fyrir brotsjóum.
Með skynsamlegri notkun
þessa einfalda og ódýra áhalds
mætti spara fjölda mannslifa.
Dæmi: Enskt skip, „Sliremore“,
brann í janúarmánuði 1885 á leið
frá Shields til Bombay, hjer um bil
800 sjm. frá Seyschnelle-eyjunum.
Skipshöfnin komst í bátana. Á
þriðja degi lentu þeir í fárviðri,
sem enginn bjóst við að afbera.
Áður en skipið var yfirgefið, hafði
skipstjóra hugkvæmst að láta olíu
Ungir fiskimcnn.
í bátana, til að hafa við hendina ef
með þyrfti, og kom það sjer nú vel.
Bátarnir bjuggu sjer nú til rek-
akkeri af árum og rám, og hjeldu
sjer þannig uppi í sjóinn og vind-
inn. Stór poki, sem fylltur var með
hampi og olíu var hengdur fram-
an á bátana. Þannig myndaðist
lygnuflötur í kring um hvern bát,
sem dró svo úr brotsjóunum, að
bátarnir óskemmdir afbáru veðr-
ið.
Áður en olían var látin út,
höfðu margar bárur brotið yfir
bátana, svo skipverjar urðu að
ausa af öllum mætti. Eftir þetta
kom lítill eða enginn sjór inn í
bátana, og voru þeir þó mjög
hlaðnir.
Þetta dæmi er tekið úr „Olje
som bölgedæmper" eftir R. Kar-
lowa.
Þetta eina dæmi ætti að vera
nægilegt til að sanna nytsemi
bárufleygsins.
„Farðu aldrei á sjó, án þess að
hafa poka og lýsi með í bátnum.“
Þessar ráðleggingar eru gefnar
af manni, sem hefir 20 ára reynslu
til að byggja á, og sem oft hefir
bjargað sjer og allri skipshöfninni
með því að nota þetta einfalda
áhald.
Að síðustu sendir Fiskifélag ís-
lands Sjómannadagsráði svo og
öllum sjómönnum um land allt,
bestur óskir í tilefni hátíðadags
sjómanna.
SJÓMANNADAGSBLAÐIÐ 37