Sjómannadagsblaðið - 01.06.1994, Side 12

SJÓMANNADAGSBLAÐIÐ
10
,,Það sem við einnig horfum fram til um þessar mundir er bygging íbúðablokkar á
norðurhluta lóðar Hrafiiistu íLaugarásnum. “ (Ljósmynd Sjómannadagsblaðið /
Björn Pálsson)
hafa gert góðlátlegt grín að okkur og
látið að því liggja að með sundlaug-
inni í Hafnarfirði værum við að bæta
við enn einni stjörnu í þetta „fjögurra
stjörnu hótel“ sem nefnist Hrafnista í
Hafnarfirði. Þeir hafa getið sér þess til
að sundlaugin mundi vera lítið nýtt.
En þegar grannt er skoðað þá kemur í
ljós að undanfarin ár, t.d. 1992, komu
í sundlaugina 6000 manns, vistmenn
Hrafnistu í Hafnarfirði og þjónustu-
íbúðanna þar, en þar er um 260 manns
að ræða. Þar fyrir utan hafa verið farn-
ar reglulegar ferðir með fólk af Hrafn-
istu í Reykjavík suðureftir, og fjöl-
margir aðrir aðilar hafa átt aðgang að
sundlauginni. Þá hækkar talan vita-
skuld enn og ásóknin eykst. Allir eru
sammála um að laugin sé uppspretta
andlegrar og líkamlegrar vellíðunar.“
Formaður Sjómannadagsráðs
hefur í mörg horn að líta
„Eins og kunnugt er varð sú breyting
á á síðasta ári að ég tók við starfi
formanns Sjómannadagsráðs af Pétri
Sigurðssyni og lét þá jafnframt af
starfi forstjóra Hrafnistu í Hafnarfirði.
Ég hef þegar komist að raun um að
formennska í Sjómannadagsráði er
ærinn starfi og þegar ég lít yfir farinn
veg og hugsa til þess hvernig minn
ágæti vinur og samstarfsmaður um
langt árabil, Pétur Sigurðsson, komst
yfir allt það sem á hans herðum lá má
það undrum sæta hver atorka hans
hefur verið. Um hið mikla framlag
hans hefur heldur ekki verið deilt.
Hér er í mörg horn að líta og vegna
anna minna við þingmannsstörfin
verða frístundirnar satt að segja allt of
fáar. En ég er þó engan veginn að
kvarta undan því. Ég hef unnið mikið
frá blautu barnsbeini. Uppruni starfs-
ferils míns er ekki langt frá Hrafnistu
í Laugarásnum og þegar ég af skrif-
stofunni horfi yfir Kirkjusand minnist
ég þess þegar ég átta ára gamall byrj-
aði að breiða saltfisk hjá Tryggva
Ofeigssyni. I byrjun varð ég samt að
hagræða sannleikanum ofurlítið, því
ekki voru teknir yngri krakkar en níu
ára í vinnuna. En vinnuna fékk ég.
Það kom sér vel og þegar ekki var
breiddur saltfiskur vegna sólarleysis
var farið á túnin hér fyrir neðan hvar
nú stendur byggðin við Laugalæk,
Rauðalæk og Bugðulæk og spiluð
knattspyrna fram til miðnættis. Dag-
inn eftir var vonað að sólin tæki aftur
að skína, svo einhverjir aurar fengjust
í vasann við saltfiskbreiðslu.“
Laugarásbíó og
Happdrætti DAS
„Mig langar til að víkja hér líka að
rekstri Laugarássbíós. Við rekstrinum
hafa nú tekið tveir ungir menn fyrir
okkur, þeir Magnús og Gunnar Gunn-
arssynir. Um leið lét Grétar Hjartar-
son, sem hafði um langt árabil unnið
við kvikmyndahúsið, af starfi. Magn-
ús og Gunnar hafa þegar náð góðum
árangri hvað varðar viðskipti með öfl-
un mynda erlendis frá, en mikið kapp
er á milli kvikmyndahúsanna um
bestu myndirnar. Éiggur við að sú
samkeppni sé óvægin, en þó held ég
að hún sé ekki óheiðarleg. En menn
verða að vera vel vakandi yfir þessu.
Okkur er mikið í mun að kvikmynda-
húsið gangi, enda var það og er eitt
hið fullkomnasta í borginni vegna
hljómburðar og kvikmyndatjalds.
Óskum við þessum nýju rekstraraðil-
um allrar farsældar í starfi.
Þá er það Happdrætti DAS sem nú
er 40 ára. í apríl verða umboðsmenn
þess um allt land kallaðir saman til
Reykjavíkur og þá verður farið vand-
lega yfir málin og m.a. verkin sýnd
sem happdrætti DAS hefur stuðlað að.
Er þetta í annað skipti frá því er happ-
drættið var sett á stofn sem til slíkrar
umboðsmannaráðstefnu er efnt.
Happdrætti DAS hefur haldið sínum
hlut á hinum hefðbundna markaði
flokkahappdrætta og vona ég að svo
verði framvegis. Samt þarf að skoða
nýjar leiðir svo við lendum ekki í neins
konar kyrrstöðu. Ekki munum við
hætta við flokkahappdrættið en sem
kunnugt er tók happdrættið upp þá
nýjung að draga úr stórum potti árs-
fjórðungslega og þá eingöngu úr seld-
um miðum. Hefur þetta mælst vel fyr-
ir meðal okkar ágætu viðskiptamanna
og stuðningsmanna. Fleiri nýrra leiða
til fjáröflunar á vegum happdrættisins
er svo að vænta með haustinu. Frá
þeim er samt ekki tímabært að ég
skýri hér að svo komnu máli.“
I Grímsnesinu
mætti nú dvelja allt árið
„Þá víkur sögunni að sumardvalarbú-
staðasvæðinu austur í Grímsnesi. Þar
verður haldið áfram uppbyggingunni,
en í Grímsnesinu hafa nú yfir 150 or-
lofshús einstaklinga risið. Þá eru stétt-
arfélögin þar með 22 sumarbústaði. Á
síðasta hausti var unnið við að leggja
heitt og kalt vatn í jörðu og mun því
ljúka nú á vordögum. Það þýðir að