Gripla - 01.01.1990, Qupperneq 211

JÓRSALAFERÐ
207
sa feme a constantinoble pur vere roy hugon’.10 Jórsalaferð hefst með
svipuðum hætti, nema ekki er minnst á Miklagarð og að þangað fari
Karlamagnús fyrir orð konu sinnar: ‘Hér hefr upp ok segir frá þeim at-
burðum, hversu Karlamagnús konungr sótti Jórsalaborg ok hina helgu
gröf dróttins várs’.11 Af þessum orðum mætti ætla að í sögunni skipti
meira máli förin til Jórsala en Miklagarðsferðin, en þegar á líður frá-
sögnina kemur annað í ljós. Ætla má að aðfaraorð kvæðis og sögu hafi
verið ‘skálduð’ af afriturum, líkt og algengt var.
Ljóðlínur 1-75, kap. l.n
Dag nokkurn fer Karlamagnús til Saint-Denis kirkju og setur á
höfuð sér kórónu sína og gyrðir sig sverði. Með honum eru bar-
ónar hans og riddarar og einnig drottning hans sem ber sína kór-
ónu. Karlamagnús spyr drottninguna hvort hún hafi nokkurn
tíma séð mann er betur sómi sverð og kóróna en honum. Hún
segir að vera megi að hann lofi um of sjálfan sig. Viti hún um
konung sem betur beri sína kórónu. Karlamagnús verður æva-
reiður þegar hann heyrir þetta, því að margir heyra á tal þeirra,
og heimtar að hún skýri frá nafni þessa konungs. Kveðst vilja
fara á fund hans til að kanna sannleiksgildi orða hennar, en hafi
hún logið ætlar hann að höggva af henni höfuðið með sverði
sínu. Drottning fellur til fóta konunginum og biðst vægðar, vill
fá að sanna að hún hafi ekki sagt þetta honum til háðungar. En
Karlamagnúsi er það eitt í mun að vita hver þessi konungur sé,
og þegar drottning sér að ekki verður hjá því komist að svara,
kveðst hún hafa heyrt getið konungs sem heiti Húgon hinn sterki
og sé hann keisari af Miklagarði. Þegar Karlamagnús er kominn
aftur til Parísar kallar hann saman jafningjana tólf og aðra ridd-
ara og segir þeim að þeir eigi að fara með honum til Jórsala að
gröf drottins og krossinum helga. Hafi honum verið það boðað
þrisvar í svefni. Síðan muni þeir fara á fund konungs nokkurs
10 Koschwitz, Karls des Grossen Reise, bls. 1. Hér hefst bókin sem segir frá því þegar
Karl Frakkakonungur fór til Jórsala og fyrir orö konu sinnar til Miklagarðs aö hitta Húg-
on konung.
11 Unger, bls. 466.
12 Kvæöinu skipti ég niður í einingar sem samsvara köflum sögunnar.