Gripla - 01.01.1990, Qupperneq 214

210
GRIPLA
Jórsalaförinni er fyrst og fremst það að hitta Húgón Miklagarðskeis-
ara: ‘ok er mér þat boðat í svefni þrysvar; ok hér með vil ek sækja á
fund konungs þess, er dróttning hefir mér frá sagt.’23
Inngangi er lokið. Næstum allar persónur hafa verið kynntar til sög-
unnar. Karlamagnúsi og Húgoni er stillt upp sem hliðstæðum og má
því ætla að þeir séu einskonar spegilmynd hvor af öðrum. Eftirvænting
áheyrandans/lesandans er í því fólgin að vita hvor þeirra sé voldugri og
hvers konar maður þessi Húgon sé. Skáldið leikur sér að því að tefla
fram persónu sem allir þekktu og svo persónu sem hann býr til sjálfur.
Einnig gætir hann þess að draga það á langinn að láta Húgon stíga inn
í söguna. Hið óþekkta skapar eftirvæntingu.
Stórmenni konungs og jafningjarnir tólf eru lítið annað en kór um-
hverfis kóng og drottningu, á þau fellur ljósið á sviðinu. Skapbræði
drottningar hrindir af stað atburðarásinni, þótt Karlamagnús eigi líka
sök á deilum þeirra hjóna, því að hann er ofstopamaður, eins og fram
kemur í viðræðum hans við drottningu, í meira lagi metnaðargjarn og
lætur duttlunga ráða gerðum sínum. Rifrildi hjónanna snýst um hé-
góma.
í þessum kafla sögunnar eru felldar niður 17 ljóðlínur. Tekið skal
fram að ekki eru teknar með í reikninginn hálfar ljóðlínur, heldur að-
eins heilar, og á það við bæði hér og síðar.
Ljóðlínur 76-232, kap. 2.
Karlamagnús og förunautar leggja upp frá klaustrinu Saint-Den-
is og eru búnir að hætti pílagríma, með píkstafi og skreppur.
Túrpín erkibiskup blessar þá. Heima situr drottning hrygg í
huga. í forustuliði pflagrímanna eru áttatíuþúsund manns og
kemur skari þessi saman á velli miklum. Þegar Karlamagnús lít-
ur yfir svo fagurt lið getur hann ekki stillt sig um að dást að því.
Þeir fara sem leið liggur til Jórsala og koma í kirkju þar í borg,
sjá þar þrettán stóla sem Jesús og postulamir höfðu setið í. Karla-
magnús sest í miðstólinn og umhverfis hann setjast jafningjarnir
tólf. í kirkjunni gefur að líta allskonar myndir málaðar sterkum
litum. Af tilviljun rekst inn í kirkjuna Gyðingur einn og er hann
kemur auga á Karlamagnús fer hann að skjálfa og hleypur í
23
Unger, bls. 467.