Eimreiðin - 01.01.1929, Page 8

IV/
EIMREIÐIN
Forspjall.
RITÞING þessa árgangs Eimreiðar mun verða skipað
mönnum og konum af ýmsum stéltum og með ólíkar
skoðanir og sjónarmið. Gamla orðtakið Nihil humane a
me alienum puto — ekkert mannlegt álít ég mér óvið-
komandi — eru einkunnarorð hennar. Þeim, sem liggur
eitthvert athyglisvert áhugamál á hjarta, veitir hún rúm
eftir því sem ástæður leyfa, ef þeir hinir sömu geta flutt
mál sitt í stuttu, ljósu og skipulegu formi. Vel rökstuddar
kappræður um ýms vandamál vorra tíma er hún fús á
að leyfa, því við það, að málin eru rædd, ættu þau að
skýrast frá fleirum en einni hlið og birtast í nýju Ijósi.
Eimr. treystir ekki eingöngu á troðnar götur, en vill
kanna ókunnar slóðir. Stefnur og lögbundnar venjur
hverfa fyrir öðrum nýjum. Þær eru eins og skýjafar á
vorhimni. A bak við breytileika og iðuköst aldarfarsins
fer dagsbrún framsóknarinnar hægt hækkandi eins og
upprennandi sól, unz skýin rofna fyrir geislamagninu og
heiðríkjan sezt að völdum. Það er hlutverk hins talaða
orðs og hins ritaða að flýta sem mest þeirri heiðríkju.
Nokkrar breytingar hafa verið gerðar á útliti og fyrir-
komulagi Eimr. nú um áramótin. Hún hefur að nokkru
leyti haft fataskifti. Gamla kápan, sem hún er búin að
ganga í síðan 1920, hefur verið lögð til hliðar. Framan
og aftan við meginlesmálið er sérstaklega tölusett deild,
þar sem koma má að auglýsingum. Þegar ritið er bundið
inn, geta menn gert hvort sem þeir vilja, tekið þessa
deild undan eða látið hana fylgja með í bandinu. Eins
og áður verður titilblað og ársefnisyfirlit látið fylgja
síðasta hefti ársins. Þegar þess er gætt, að árgangur
sá, er nú hefst, verður um 30 arkir eða alt að 500
síðum, þrátt fyrir hækkaðan prentunarkostnað frá þess-
um áramótum, og að Eimr. flytur auk þess þéttletraðra
mál en nokkurt annað tímarit íslenzkt, þá hefði að vísu
verið ástæða til að hækka áskriftargjaldið, að mun. Svo
verður þó ekki gert að þessu sinni. Askriftargjaldið
helst óbreytt. Aukin kaupendatala og skilvísi er hvort-
tveggja trygging fyrir því að vel takist.