Eimreiðin - 01.01.1954, Page 26
6
VIÐ ÞJÓÐVEGINN
EIMREIÐIN
Sameinuðu þjóðirnar og Atlantshafsbandalagið, en gæta fullrar
varúðar og hófsemi um aðra þátttöku vora út á við, strika út af
listanum ýms önnur ráð — og óráð, eins fljótt og unnt er, — og
standa svo við þessi heit. Og þyrfti ekki að falla frá fyrir-
heitinu um nýju stjórnarráðshöllina, þótt þetta yrði gert, enda
þótt gamla stjórnarráðshúsið sýnist sæmilega veglegt og ætti að
geta gegnt hlutverki sínu að minnsta kosti eins lengi og hið gamla
og lítt veglega „Number 10 Downing Street" gegnir sínu, svo
samanburður sé gerður á Litla og Stóra í ríkjasafni veraldar
vorrar.
Annars eru stórmálin ekki hin sterka hlið þings og stjórnar,
nú að afstöðnum alþingis- og bæjarstjórnarkosningum, liggja
fremur í láginni um þessar mundir. Þannig hvílir nú værð yfir
stjórnarskrármálinu, sem leysa átti upp úr lýðveldisstofnuninni
1944, en virðist enn skammt á veg komið á alþingi. Um handrita-
málið heyrist harla fátt, hverju sem um er að kenna. Þar til nú,
þegar þetta er ritað, að upp gýs svo furðuleg frétt og fáránleg
um lausn þess, að fólk fellur í stafi af undrun, en fréttin fæst
ekki opinberlega staðfest, og er því sennilega „billegt" danskt
blaðagrín, enda góð sem slík. En fyrir nokkru kom út einstætt
„álit nefndar, er skipuð var til rannsóknar á því, hvort ísland
muni eiga réttarkröfur til Grænlands". Þetta er lítið
Einstœtt kver, 167 bls. að stærð, og útgefandinn mun vera
álit. Utanríkisráðuneyti íslands. Að minnsta kosti er for-
máli undirritaður af þessu ráðuneyti 20. nóvember
1952 og þar skýrt frá því, að á árinu 1948 hafi Bjarni, þáverandi
utanríkisráðherra, Benediktsson ákveðið að fá þrjá sérfróða menn,
er tilnefndir væru af Utanríkisráðuneytinu, Hæstarétti og Laga-
deild Háskóla íslands, til að framkvæma fræðilega rannsókn á
rétti íslands til Grænlands.
í nóvember 1948 tilnefndi svo Hæstiréttur af sinni hálfu í nefnd
til þessa verks Gizur hæstaréttardómara Bergsteinsson, Lagadeild
Háskóla íslands Ölaf prófessor Jóhannesson og Utanríkisráðu-
neytið Hans G. Andersen, þjóðréttarfræðing.
Gizur Bergsteinsson skýrir frá því í eftirmála, að hann hafi
lokið við að semja álitsgerð um málið í dezember 1951, en síðan
hafi hinir nefndarmennirnir haft hana til lestrar og borið saman
við athuganir sínar, og telja þeir sig sammála efnisniðurstöðum
hennar: „að ekki sé fyrir hendi nægilegur grundvöllur fyrir réttar-
kröfum af hálfu íslendinga til Grænlands".
Starfsaðferðir nefndarinnar virðast hafa verið einna líkastar