Eimreiðin - 01.09.1967, Page 14

Sir William
Craigie
— Aldarminning —
eftir
dr. Björn Karel Þórólfsson.
Sunnudaginn 13. ágúst s.l. átti hinn frægi brezki málfræðingur
og íslandsvinur, Sir William Alexander Craigie, 100 ára afmæli.
Hann fæddist 13. ágúst 1867 í Dundee á Skotlandi. Foreldrar
hans voru bæði skozk að þjóðerni, og var lágskozka töluð á heimil-
inu. Móðir hans var af háskozkum ætturn, og minntist hann
þess, er faðir hennar var að kenna honum þriggja eða fjögurra
ára gömlum gelsku, forntungu Háskota.
Háskólamenntun hlaut Craigie fyrst í St. Andrews á Skotlandi,
en frá 1888 í Oxford. Helztu lærdómsgreinar voru gríska og latína
og bókmenntirnar á þeim tungum, enda var lærdómur í þeim
fræðum talinn aðalsmerki sannrar menntunar. En auk hinna klass-
isku fræða lagði Craigie á háskólaárum sínum meiri stund á nýrri
þjóðmál en algengt var um þá, er leituðu menntunar í brezkum
háskólum. Hann las frönsku og þýzku, en nám þeirra tungna var
meiri erfiðleikum bundið þá en nú á dögum. Einnig las hann
Norðurlandamál, og er eftir honum haft, að hugur hans á þeim
hafi vaknað við það atvik, er kunningi hans gaf honum ljóðakver