Uppeldi og menntun - 01.01.2004, Síða 7

FRÁ RITSTJÓRA
Með þessum 13. árgangi Uppeldis og menntunar kemst í framkvæmd sú stefna, sem
gerð var grein fyrir í síðasta árgangi, þ.e. að gefa út tvö tölublöð eða hefti á ári. Hér
kemur 1. hefti árgangsins fyrir sjónir lesenda; 2. hefti lítur vonandi dagsins ljós fyrir
lok ársins.
Öðru stefnuatriði er framfylgt í þessu tölublaði. Auk fræðilegra ritgerða sem eru að
vanda meginuppistaða tímaritsins, birtast hér nokkrar umsagnir um nýlega útkomn-
ar bækur um uppeldis- og menntamál. Ekki tókst í tæka tíð að koma í framkvæmd
öðru nýmæli sem boðað hafði verið, þ.e. birta „umræðu og skoðanaskipti um álita-
efni varðandi stefnumótun fyrir mennta- og uppeldisstofnanir". Það mun aftur
gerast í 2. hefti árgangsins, undir fyrirsögninni „Viðhorf".
Markmiðið með þessum efnislegu nýmælum er öðrum þræði að gera tímaritið
aðgengilegt víðari lesendahóp, að hinu leyti að efla gagnrýna umræðu um rann-
sóknir og stefnumótun í uppeldis- og menntamálum.
Ritnefnd þakkar samstarfið sem hún hefur átt við marga aðila í sambandi við útgáfu
þessa tölublaðs, ekki síst ritrýnendum, Ingunni Asdísardóttur prófarkalesara og
Margréti Friðriksdóttur sem annaðist umbrot og uppsetningu.
5