Uppeldi og menntun - 01.01.2004, Side 80

FORSPÁRGILDI MÁLÞROSKAMÆLINGA
Tafla 4
Breytingar ó málþroska frá fimm til sjö ára aldurs
TOLD-2P við sjö ára aldur
Slakir Meðal Góðir
Slakir 19 35 2
TOLD-2P6 Meðal 10 114 25
fimm ára Góðir 0 20 26
Skoðaðir voru á sama hátt og áður þrír ólíkir hópar og kannað hversu stöðugar mál-
þroskatölurnar voru frá fimm til sjö ára aldurs. Eins og sést í töflu 4 þá flokkast um
63% barnanna í sama hóp við sjö ára aldur og þau voru við fimm ára aldur. Fylgni
málþroskatölu við sjö ára aldur og styttri útgáfu af TOLD-2P við fimm ára aldur er
marktæk eða r = 0,6 (p < 0,001). Rúmlega helmingur barnanna mælist með góðan
málþroska við fimm ára og er áfram með góðan málþroska sjö ára. Tæplega helm-
ingur af þeim sem voru með góðan málþroska við fimm ára aldur er með meðal-
góðan málþroska sjö ára. Ekkert barn er með góðan málþroska fimm ára en slakan
við sjö ára aldur. Það er mikil hreyfing á börnunum sem mælast með slaka færni við
fimm ára aldur en einungis um þriðjungur þeirra er áfram með slaka færni við 7 ára
aldur en tæplega tvö af hverjum þremur ná meðalmálþroska og tvö börn ná því að
vera með góðan málþroska. Rétt er að benda á að 251 barn var prófað sjö ára en 267
við fimm ára aldur.
Tafla 5
Tengsl HUÓM-2 við fimm ára og TOLD-2P við sjö ára aldur
TOLD-2P
Slök færni Meðalfærni Góð færni
Slök færni 13 28 3
HLJÓM-2 Meðalfærni 16 116 27
Góð færni 0 25 23
Eins og sést í töflu 5 eru um 57% af börnunum í sama getuflokki á HLJÓM-2 við fimm
ára aldur og á málþroskamælingum með TOLD-2P við sjö ára aldur. Þau sem eru
með slakan málþroska við sjö ára aldur voru annað hvort með slaka eða meðalfærni
á HLJÓM-2 við fimm ára aldur. Af þeim sem voru með góða færni á HLJÓM-2 er ekk-
ert barn með slakan málþroska við sjö ára aldur. Þau sem eru með góða færni á
TOLD-2P voru flest með meðalfærni eða góða færni á HLJÓM-2 við fimm ára aldur.
6 Styttri málþroskatala.
78