Uppeldi og menntun - 01.01.2004, Side 83

JÓHANNA EINARSDÓTTIR, AMALÍA BJÖRNSDÓTTIR OG INGIBJÖRG SÍMONARDÓTTIR
Tafla 8
Tengsl einkunna á samræmdu prófi í 4. bekk við TOLD-2P (hlustun) fimm ára
íslenska, samræmt próf 4. bekk
Slök færni Meðalfærni Góð færni
Slök færni 27 39 4
TOLD-2P Meðalfærni 18 91 30
Hlustun fimm ára
Góð færni 0 16 18
Eins og sést í töflu 8 þá eru tengsl á milli mælitölu hlustunar við fimm ára aldur og
einkunna á samræmdu prófi í íslensku í 4. bekk og eru um 56% barnanna í sama getu-
flokki á báðum prófunum. Fjögur fá góða einkunn í 4. bekk í íslensku sem voru með
slaka færni á TOLD-2P Hlustun. Þar sem þessi fjögur börn höfðu náð meðalfærni í
málþroska við sjö ára aldur er hægt að álykta að þau hafi verið sein til. Ekkert barn
er með góða færni á prófhlutanum Hlustun TOLD-2P og með slaka færni á sam-
ræmdu prófi í íslensku 4. bekk. Fylgni mælitölu hlustunar við fimm ára aldur og ein-
kunna á samræmdu prófi á íslensku í 4. bekk er marktæk eða r = 0,56 (p < 0,001).
Tafla 9
Tengsl einkunna á samræmdu prófi í íslensku í 4. bekk við TOLD-2P (málþroska-
tala) sjö ára
íslenska, samræmt próf 4. bekk
Slök færni Meðalfærni Góð færni
Slök færni 18 7 0
TOLD-2P sjö ára Meðalfærni 22 111 26
Góð færni 1 23 24
Eins og sést í töflu 9 þá eru tengsl á milli málþroskamælinga við sjö ára aldur og
einkunna á samræmdum prófum í 4. bekk í íslensku. Um 64% af börnunum eru í
sama getuflokki á báðum prófunum. Enginn sem var með slaka málþroskatölu á
TOLD-2P fær góða einkunn í 4. bekk í íslensku. Eitt barn sem er með slaka einkunn
á samræmdu prófi í 4. bekk sýnir góða málþroskatölu við sjö ára aldur á TOLD-2P.
Það barn var með meðalfærni á málþroskamælingum við fimm ára aldur. Fylgni mál-
þroskatölu við sjö ára aldur og einkunna á samræmdu prófi á íslensku í 4. bekk er
marktæk eða r = 0,68 (p < 0,001).
81