Uppeldi og menntun - 01.01.2004, Side 140

U M BÆKUR
Einn áhrifaríkasti kafli bókarinnar er lífssaga Ragnheiðar Guðmundsdóttur sem
Guðrún V. Stefánsdóttir skráir. Guðrúnu tekst þar að koma til skila á látlausan hátt
frásögn Ragnheiðar af uppvexti sínum og lífshlaupi. Sagan birtir vel þær miklu breyt-
ingar sem orðið hafa á síðustu 50 árum í málefnum fatlaðra og þá sérstaklega þroska-
heftra. Hún sýnir hvernig áherslan hefur færst frá því að loka fólk inni á stofnunum
yfir í að reyna að tryggja virka þátttöku þess í samfélaginu. Við skynjum einnig
gegnum lesturinn hvaða áhrif þetta hefur á Ragnheiði sjálfa. Hún nær betri stjórn á
lífi sínu og gerir meiri kröfur til þess að fá sjálf að taka ákvarðanir um eigin tilveru,
sem hefur ekki aðeins jákvæð áhrif á líf hennar heldur einnig hennar nánustu.
Það er mikið fagnaðarefni og vel við hæfi á Evrópuári fatlaðs fólks að fá greinasafn
sem birtir rannsóknir á lífi og aðstæðum fatlaðra á íslandi. Bókin er aðgengileg og
nýtist vel sem ítarefni við kennslu þeirra sem koma á einhvern hátt að þjónustu við
fatlað fólk, hvort sem um er að ræða kennara, þroskaþjálfa, heilbrigðisstarfsfólk eða
annað fagfólk. Einnig er hér komið aðgengilegt rit fyrir hinn aimenna lesanda sem
áhuga hefur á málefninu. Bókin er því gagnleg uppspretta fróðleiks og umræðu á
nýju fræðasviði.
Ástríöur Stefánsdóttir
Kennaraháskóla íslands
138