Iðunn : nýr flokkur - 01.09.1933, Blaðsíða 62

332
Framvindan og sagan.
iðunn;
ið svo fram í verklegum efnum, að Iieir voru ekki cins.
háðir þessum frumlegu náttúruskilyrðum.
Þegar hér er komið röksemdaleiðslunni, láta menn.
með nýtt viðhorf til sín heyra. Pjóðverjinn Ratzel held-
ur því fram, að örðugleikarnir við hitabeltislíf séu ekki
fyrst og fremst hitinn, heldur hætturnar: villidýr, far-
sóttir, óveður, skorkvikindi og alls konar fáránleg nátt-
úrufyrirbæri. En í sæmilega heitum löndum, utan bita-
beltis, hafi hitinn mjög farsæl áhrif. Menn hafast lítt.
við i húsum, eru félagslyndir, hafa sterkar kynferðis-
hvatir, en af ])eim sprettur listhneigðin og tilhneigingin.
til fágaðs lífs. 1 kaldari löndum stefnir lífið að ötulli
starfsemi hjá hinum meiri háttar mönnum; dáðin verður
lífshugsjónin, og hinn sýnilegi árangur veldur mestri
gleðinni. Fyrir þá sök beinist lífið meira að vísindum en
listum, að auðsöfnun frekar en að fáguðu iðjuleysi..
Menn, sem hafast mest við í húsum, verða lítt gefnir
fyrir félagssambúð, og hvildarlaus samkeppnin getur af
sér nokkuð einstrengingslega einstaklingshyggju.
En ekki er öllu hér með lokið. Loftslagið veldur
miklu, segja menn, um líkamsvöxt og andlitssvip. Ýmsir
halda pví fram, að Ameríkumenn séu teknir að gerast
eirlitir í framan eins og fyrirrennarar þeirra. í landinu,.
Indíánar, eru. Þá tala og margir um alveg sérstakan
líkamsvöxt, sem sérstaklega sé einkennandi fyrir Ástral-
iubúa, pótt ekki hafi hvítir menn dvalið þar í Iandi„
svo verulegu nemi, lengur en æfi fárra kynslóða. Einn
af ágætustu mannfræðingum Bandarikjanna, Boas, hef-
ir birt furðulega skýrslu um árangur af rannsóknum sín-
um á börnum innflytjenda. Börn hávaxinna innflytjenda
reynast lægri en foreldrarnir, en börn lágvaxinna hærri.,
Og margbreytileiki höfuðlagsins minkar — þótt engri.