Ægir - 01.11.1953, Qupperneq 29

Æ G I R
283
Fiskveiðar við Grænland.
„Fiskiþingið telur mikla nauðsyn á, að
haldið verði áfram athugunum á því, að ís-
lendingar fái aðstöðu til útgerðar frá græn-
lenzkri höfn eða höfnum og atvinnurekstrar
þar; og skorar á stjórnarvöld landsins að
veita því máli nauðsynlegan stuðning, ef út-
vegsmenn telja hagkvæmt að hefja útgerð
frá Grænlandi.“
Fiskirannsóknir, síldar- og fiskileit.
„1. Fiskiþingið telur nauðsyn á, að fiski-
og hafrannsóknum sé jafnan hagað
þannig, að sem hagnýtastur árangur
náist og telur mikilsvert, að náið sam-
starf sé á milli vísindamannanna og
fiskimannanna um þessi mál.
2. Að Ægir verði á næsta ári fyrst og
fremst notaður til fiski- og síldarleitar,
og fiskifræðingum verði veitt full um-
ráð yfir ferðum skipsins, er það gegn-
ir rannsóknarstörfum.
3. Að nauðsynlegt sé fyrir fiskveiðiþjóð
sem íslendinga, að eiga fullkomið fiski-
og hafrannsóknarskip, sem ekki sé ætl-
að annað hlutverk en fiski- og síldar-
leit ásamt hafrannsóknum.
4. Fiskiþingið beinir því til stjórnar Fiski-
félagsins að leita samvinnu við önnur
samtök útvegsmanna um framkvæmd
þessa máls, þar með að gera tillögur til
Alþingis um fjárframlög í þessu skyni.“
Ægir sem fiskirannsóknarskip.
„Fiskiþingið leggur ríka áherzlu á, að
varðskipið Ægir verði á þessum vetri útbú-
ið þannig, að fiskifræðingum verði sköpuð
fullkoinin starfsskilyrði til alls konar fiski-
rannsókna um borð í skipinu, á líkan hátt
og nú er í fiskirannsóknaskipinu G. O. Sars.
Ennfremur að á síldveiðitimabilinu fyrir
Norðurlandi verði um borð í skipinu reynd-
ur síldveiðiskipstjóri, sem stjórni síldarleit
t»ess í samráði við síldarleitarstjóra.“
V élbátatryggingar.
„Fiskiþingið felur stjórn Fiskifélagsins
að vinna að því við Samábyrgð íslands á
fiskiskipum og aðra aðila, að aukið verði
allt eftirlit með bátunum á böfnum inni,
viðhaldi þeirra og frágangi, og bendir á eftir-
farandi:
a. Betri gæzla í höfnum inni.
b. Aukið eftirlit af hendi hafnarstjóra og
tryggingarfélaga með hafnarlegufær-
um og legufærum báta.
c. Strangara éftirlit með olíukyndinga-
tækjum.
d. Aukið eftirlit af hendi tryggingarfélag-
anna með bátum og tjónum, sem á
þeim verða.
e. Að tekið verði tillit til viðhalds, hirð-
ingar og tjóna á einstökum bátum og
það látið hafa áhrif á iðgjald til hæltk-
unar eða lækkunar. Þá leggur þingið
til, að \% aukastofngjaldið verði fellt
niður hjá þeim félögum, sem geta það
fjárhagslega.“
Stofnlán sjávarútvegsins.
„1. Að Fiskveiðasjóði verði lagðar 10 millj.
króna af tekjuafgangi ríkisins á yfir-
standandi ári.
2. Að stofnlánadeild Landsbankans verði
endurreist með lögum með jafnmiklu
fé og upphaflega.
3. Að Fiskveiðasjóði verði séð fyrir láns-
fé til viðbótar, 40—50 millj. króna.“
Kynnisferðir.
„Fiskiþingið leggur áherzlu á, að Fiski-
félagið greiði verulega fyrir kynnisferðum
meðlima sinna til útlanda og leggi fé til
þeirra, eða útvegi, eftir því sem hægt er.
Einnig hvetur þingið til kynnisferða innan-
lands til þeirra veiðistöðva, sem fremstar
fara um tækni og hvers konar framfarir á
sjó og landi.“
Fiskmat.
„1. Að matið sé samræmt í framltvæmd svo
sem verða má.
2. Að þess sé vandlega gætt að velja val-
inkunna menn til matsstarfa, og að þeir
njóti nægjanlegrar kennslu til starfsins.