Tímarit lögfræðinga - 01.10.1975, Side 14

bókasafn, enda lét hann sér fátt mannlegt óviðkomandi. Auk fræðiáhuga var
hann mikill ferðamaður og voru gönguferðir um óbyggðir eftirlætis skemmtun
hans.
Hinn 7. október 1936 kvæntist Þorvaldur eftirlifandi konu sinni, Fríðu Knud-
sen, dóttur Vilhelms Moritz Knudsen verslunarmanns í Reykjavík og konu hans
Hólmfríðar Gísladóttur, systur Þorsteins Gísiasonar skálds. Fríða var systir
Ósvalds Knudsen, hins þekkta kvikmyndagerðarmanns og náttúruskoðara,
sem ný ega er látinn.
Heimili þeirra Fríðu og Þorvalds að Hellusundi 6 var fallegt og skemmtilegt,
og minnast margir glaðværra stunda þar. Fríða tók virkan þátt í félagsstarfi
með manni sínum og reyndist honum hinn ákjósanlegasti lífsförunautur.
Sigurður Baldursson
TÖNNES MADSSON ANDENÆS
Tönnes Andenæs stórþingsmaður átti marga
vini og kunningja á íslandi. Hann hafði nýlega
sótt þá heim sem fulltrúi Norðmanna á Norð-
urlandaþingi, þegar hann féll frá langt um
aldur fram. Raunar voru aðeins rúmir tveir sól-
arhringar liðnir, frá því hann yfirgaf ísland,
þegar hann fórst í járnbrautarslysinu mikla
skammt frá Lillehammer laugardaginn 22. fe-
brúar s.l. Eftir komuna til Noregs skrapp hann
til fjalla og hitti fjölskyldu sína, sem var þar í
skíðaferð. Hann ferðaðist einn síns liðs aftur til
Osló með lestinni, er lenti í árekstrinum.
Tönnes Andenæs var yngstur átta bræðra,
51 árs, og sá fyrsti þeirra, sem fellur frá. Bræð-
urnir eru allir vel þekktir, hver á sínu sviði. Að
minnsta kosti tveir þeirra eru kunnir hér á
landi: Johannes Andenæs prófessor, sem á sínum tíma var rektor Oslóarhá-
skóla og skrifað hefur mikið um lögfræðileg efni, og Thorleif Andenæs, en rit
eftir hann hefur verið notað hér við kennslu í endurskoðun.
Tönnes Andenæs kom fyrst til íslands 1946. i eftirmælum eftir hann lýsti
ferðafélagi hans, Sigurd Frigland, dvöl þeirra þannig, að við komu sína hafi
þeir engan þekkt, en er þeir fóru hafi stór vinahópur verið á hafnarbakkanum.
Sagði Frigland þetta til sannindamerkis um það, hve Tönnes átti auðvelt með
að kynnast fólki og stofna til vináttu við það.
Tönnes Andenæs lauk lögfræðiprófi frá háskólanum í Osló 1955, þá 31 árs.
Hann hafði ekki helgað sig laganáminu einvörðungu í háskóla. 1950 hóf hann
einn í kjallaraherbergi að gefa út og se!ja bækur undir nafni Universitetsfor-
laget, á vegum Studentsamskipnaden í Osló (félagsstofnunar stúdenta). For-
lagið er nú öfiugasta útgáfufyrirtæki í Noregi og þótt víðar væri leitað. Þangað
koma menn frá öllum heimshornum til að kynna sér fyrirmyndar rekstur há-
skólaforiags, sem annálað er fyrir framtakssemi og nýjungar í útgáfumálum.
Tönnes starfaði sem Universitetsfor’.egger, þar til hann var kjörinn á Stór-
60