Tímarit lögfræðinga - 01.10.1975, Page 39
rétti, sem bæ3i er ætlaS stúdentum og kandidötum i lögfræði. Er þess enn
kostur að taka þátt í námskeiðinu, og eru þeir, sem áhuga hafa, beðnir að
hafa samband við skrifstofu lagadeildar. Auk Thompsons munu nokkrir ís-
lendingar kenna á námskeiðinu, m. a. dr. Ármann Snævarr, dr. Gunnar G.
Schram, Guðrún Erlendsdóttir og undirritaður, sem er umsjónarkennari. í
upphafi verður lögð áhersla á sögulega þróun, réttarheimildir og skýringu
þeirra og lögð til grundvallar bókin LAW AND THE LEGAL SYSTEM eftir S.
Mermin, sem er til sölu í Bóksölu stúdenta. Síðan verður fjallað stuttlega um
nokkur meginsvið réttarins með megináherslu á bandarískum rétti: samninga,
skaðabótarétt, dómstóla og réttarfar, sifjarétt og refsirétt. Kennslan fer fram
á ensku. Hún verður í Lögbergi, stofu L 402, kl. 5—7 á mánudögum og mið-
vikudögum og stendur sennllega fram í desember.
Jónatan Þórmundsson
KÖNNUN Á GJALDÞROTAMÁLUM
Á árunum 1960—1974 voru kveðnir upp 1318 gjaldþrotaúrskurðir hér á landi,
þar af 1120 (85%) í Reykjavík. Þrotabúunum má skipta þannig:
Einstaklingar (908 karlar, 94 konur) 1002
Hlutafélög .............................. 284
Samvinnufélög 10
Sameignarfélög 20
Menningarfélag 1
Dánarbú . . . .___1
Alls 1318
Ólokið er skiptum í 205 þessara búa. Skipti hafa verið felld niður í 54 búum
vegna þess að kröfur hafa verið greiddar eða afturkallaðar. Það vekur athygli,
að í 897 búum lauk skiptum án þess að eignir kæmu fram. Er þetta 81% af
búum, sem úrskurðuð voru gjaldþrota 1960—1974 og lokið er meðferð á. Út-
hlutun eigna til kröfuhafa hefur farið fram í 159 búum, en í 3 búum lauk skipta-
meðferð með nauðasamningi. í sumum af eignalausu búunum þótti Ijóst frá
upphafi, að þýðingarlaust væri að lýsa eftir kröfum, svo að það var aldrei gert.
Hins vegar var gefin út innköllun til skuldheimtumanna í 562 eignalausum bú-
um. Kröfur, sem þá var lýst, hafa verið færðar til verðlags 1974 og kom þá
þetta fram: Kröfur undir 100.000 kr............ 84 bú
100.000—1.000.000 kr............... 341 —
Yfir 1.000.000 kr.................... 128 —
Óuppiýst 9 —
562 bú (eignalaus)
í 37 búum greiddust að fullu framkomnar forgangskröfur (veðkröfur, skatta-
kröfur, launakröfur o. fl.), en í flestum (27 búum) minna en 25% af öðrum
kröfum. í 121 búi greiddist ekkert upp í almennar kröfur, en eitthvað upp í
forgangskröfur. í 55 þeirra greiddist minna en 25% af forgangskröfunum, en í
aðeins 12 búum meira en 75% af þeim.
85