Tímarit lögfræðinga - 01.10.1975, Blaðsíða 40

Meginatriði þessara upplýsinga má segja að sé eftirfarandi: Á íslandi eru
kveðnir upp óvenju margir gjaldþrotaúrskurðir, sé mið tekið af öðrum Norð-
urlöndum. Sérstaklega á þetta þó við um Reykjavík og jafnvel önnur lögsagn-
arumdæmi í nágrenni hennar. Þá lýkur óvenju mörgum gjaldþrotaskiptum
þannig, að engar eignir koma fram. Og loks er rétt að vekja athygli á því,
hve lítið fæst upp í almennar kröfur í þeim fáu tilvikum, að eignir reynast vera
fyrir hendi. Virðist fremur hafa sigið á ógæfuhliðina í þeim efnum á síðari árum.
Upplýsingar þessar eru fengnar úr skýrslum, sem Eiríkur Tómasson lög-
fræðingur gerði í sumar fyrir Lagastofnun Háskóla íslands. Lagði hann þær
fram á fundi, sem lagastofnunin hélt 28. ágúst s.l. í Lögbergi, húsi lagadeildar.
Fundinn sóttu lagakennarar, dómarar í skiptaréttunum í Reykjavík, Kópavogi,
Hafnarfirði og Keflavík og starfsmenn úr dómsmálaráðuneytinu, Gjaldheimt-
unni í Reykjavík og verslunarráðinu. Þór Vilhjálmsson prófessor, forstöðu-
maður lagastofnunarinnar, skýrði frá undirbúningi nýrrar löggjafar um gjald-
þrotaskipti, en skýrslugerð Eiriks Tómassonar mun verða notuð við þann
undirbúning. Unnsteinn Beck borgarfógeti í Reykjavík lagði fram skýrslur um
fjölda gjaldþrotabeiðna, sem eru mun fleiri en uppkveðnir úrskurðir. Meðal
annarra, sem tóku þátt í umræðum, voru Már Pétursson héraðsdómari í Hafn-
arfirði, Guðmundur Vignir Jósefsson gjaldheimtustjóri og Steingrímur Gautur
Kristjánsson héraðsdómari í Hafnarfirði. Þór Vilhjálmsson gat þess, að frek-
ari umræður um þessi mál myndu væntanlega fara fram á næstunni, m. a. á
vegum Lögmannafélags Islands,
(Frétt frá Lagastofnun Háskóla islands 1. sept. 1975.)
LÖGMENN ATHUGIÐ!
Á þessum síðustu og beztu tímum
er hraðinn fyrir öllu.
OFFSET-FJÖLRITUN
ryður sér æ meira til rúms
vegna fljótrar afgreiðslu
og vinnugæða.
GRETTISGÖTU 2 • SÍMI 23857 • REYKJAVlK
86