Tímarit lögfræðinga - 01.10.1975, Blaðsíða 37

reglum. Þeim, sem fyrr eru skráðir, skulu gefnar einkunnir eftir eldri reglum.
Munu því llða nokkur ár, þar til gamli stiginn verður úr sögunni. Aðrar breyt-
ingar voru ekki verulegar, en lágmarkseinkunnum var breytt nokkuð og gerðar
voru ýmsar smálagfæringar í samræmi við fengna reynslu af reglugerðar-
ákvæðunum frá 1970, t. d. voru ákvæði um val stúdenta á kjörgreinum og
umsjónarkennara gerð fyllri.
3. Nýr prófessor
Stefán Már Stefánsson borgardómari var settur prófessor í lagadeild um
eins árs skeið frá 1. september 1975 í stað Þórs Vilhjálmssonar, sem hefur
leyfi frá kennslu- og stjórnunarstörfum þennan tíma.
4. Lagastofnun Háskóla íslands
Ársfundur Lagastofnunar Háskóla íslands var haldinn 24. febrúar 1975.
Fundinn sóttu prófessorar, dósent, aðjúnkt, bókavörður lagadeildar og fulltrúi
stúdenta. Guðlaugur Þorvaldsson háskólarektor sat fundinn og ræddi ýmis
málefni Háskólans. Stofnunin hefur dálítið fé til þess að standa straum af
kostnaði við rannsóknir (þ. á m. bókakaup til safndeildarinnar í Lögbergi) og
var fjárhagsáætlun stofnunarinnar samþykkt á fundinum. Auk þess urðu all-
miklar umræður um önnur málefni stofnunarinnar, einkum um bókasafnsmál
og húsnæðismál.
í sumar (1975) starfaði Eiríkur Tómasson lögfræðingur á vegum Lagastofn-
unar Háskóla Islands að skýrslugerð um gjaldþrotaskipti frá 1960. Hinn 28.
ágúst hélt stofnunin fund í Lögbergi, þar sem kynntar voru helstu niðurstöður
skýrslugerðarinnar.
5. Námskeið í Evrópurétti
Námskeið í Evrópurétti var haldið í lagadeild 24.—28. febrúar 1975. Kenn-
arar voru Marc-André Eissen aðalritari Mannréttindadómstóls Evrópu, Þór
Vilhjálmsson prófessor og dr. Gaukur Jörundsson prófessor. Prófessor Þór
Vilhjálmsson hafði umsjón með námskeiðinu. Á námskeiðinu var fjallað um
íslenskar réttarfarsreglur og dóma Mannréttindadómstóls Evrópu. Þátttaka var
mjög góð, því að samtals 49 stúdentar tóku þátt í námskeiðinu.
Þetta er í annað sinn, sem lagadeild heldur námskeið í Evrópurétti. Hið
fyrra námskeið var haldið í október 1973, en þá var fjallað um rétt Efnahags-
bandalags Evrópu (EBE), sjá frétt í Tímariti lögfræðinga 1973, 4. tbl., bls. 31.
6. Námskeið í breskum og bandarískum rétti
Lagadeild efnir til kennslu í breskum og bandarískum rétti sem sérstakri
kjörgrein (skv. 48. gr. reglugerðar háskólans) á haustmisseri 1975. Aðalkenn-
ari í greininni verður gistiprófessorinn George Thompson frá Western New
England College í Bandaríkjunum. Nánar er getið um námskeið þetta á öðr-
um stað í þessu tbl.
7. Erlendir fyrirlesarar
Marc-André Eissen aðalritari Mannréttindadómstóls Evrópu héit opinberan
fyrirlestur í boði lagadeildar 27. febrúar 1975 og nefndist hann: ,,The Judg-
ments of the European Court of Human Rights“. Áheyrendur voru 89 talsins,
flestir úr hópi laganema.
83