Tímarit lögfræðinga - 01.10.1975, Side 32
Frá
Lögmannafélagi
Islands
NORRÆNU LÖGMANNAFÉLÖGIN
ÞINGA í REYKJAVIK
Þriðjudaginn 19. ágúst var haldinn á Hótel Loftleiðum sameiginlegur stjórn-
arfundur allra lögmannafélaganna á norðurlöndum, daginn áður en hið
almenna lögfræðingaþing hófst. Fulltrúar Lögmannafélags islands voru Páll
S. Pálsson, Guðjón Steingrímsson, Jón Finnsson, Ragnar Aðalsteinsson,
Brynjólfur Kjartansson og Skúli Pálsson, sem sá um undirbúning fundarins.
Formenn, varaformenn, framkvæmdastjórar og nokkrir einstakir stjórnarmenn
lögmannasamtaka hinna norðurlandanna voru einnig mættir. Fundarstjóri var
Páll S. Pálsson og fundarritari Brynjólfur Kjartansson.
Formenn lögmannafélaga hvers lands fluttu skýrslur um starfsemi féiaganna
s.l. 2 ár. Að því loknu voru flutt 4 erindi um efnið: „Sérstaða lögmanna meðal
lögfræðimenntaðra manna.“
Framsöguerindi fluttu Gotthard Calissendorff frá Svíþjóð og Ragnar Aðal-
steinsson, Skúli Pálsson og Guðjón Steingrímsson. Miklar umræður urðu um
málið. Fundarmenn töldu m. a. að leggja bæri enn meiri áherslu á menntun
og sérþjálfun þeirra lögfræðinga, sem ætli að gera málflutningsstörf að ævi-
starfi. Það kom fram, að vart verður tilhneigingar hjá lögfræðingum, sem
gegna öðrum störfum en málflutningsstörfum að aðalstarfi, svo sem stjórnar-
ráðsstarfsmönnum, lögfræðingum í þjónustu atvinnufyrirtækja og jafnvel dóm-
urum, til að grípa til málflutningsstarfa til aukatekjuöflunar. Lögmannasam-
tökin hafa vegna hagsmuna lögmanna og almennings eindregið barist gegn
þessu, og er nú víða svo komið, að slíkt er bannað með lögum.
Einnig kom fram, að æskilegt væri, að þeir, sem fengið hefðu leyfi til mál-
flutnings, felldu niður titilinn lögmaður eða advokat, þegar þeir stunduðu
ekki málflutningsstörf.
Að fundi loknum bauð stjórn Lögmannafélags islands erlendu fulltrúunum
og mökum þeirra til kvöldverðar að Þingholti. Ákveðið var, að næsti fundur
yrði í Finnlandi að tveim árum liðnum.
Brynjólfur Kjartansson
NÁMSSJÓÐUR LÖGMANNAFÉLAGS ÍSLANDS
Á aðalfundi L.M.F.i. árið 1970 var stofnaður Námssjóður Lögmannafélags
islands. Samkvæmt 2. gr. skipulagsskrár sjóðsins er tilgangurinn með sjóð-
stofnuninni ,,að efla framhaldsmenntun lögfræðinga, með beinni styrkveitingu
78