Tímarit lögfræðinga - 01.08.1978, Síða 40

skoðunin fari fram með þeim hætti, að mál sé endurupptekið fyrir
sama dómstóli, og þá flutt og dæmt þar eftir venjulegum réttarfars-
reglum, í líkingu við það, sem nú tíðkast, þegar kyrrsetningu eða lög-
banni er stefnt fyrir bæjarþing til staðfestingar.
Góðir félagar.
Ég vil leyfa mér að enda mál mitt með því að vitna í Járnsíðu eður
Hákonarbók, XXXV. kapitula. Þar segir m.a. svo: „En að menn varist
því gerr ranga dóma, þá má varla illt varast nema vite og því minn-
ist menn, at með fjórum háttum verða rangir dómar. Annað hvort
með hræðslu, þar sem menn óttast þann, er hann skal dæma, ellegar
fégirnd, þar sem maður sníkir til nokkurrar mútu, eða með heipt, þá
er maður hatar þann, er hann skal dæma, ella með vináttu, þar sem
maður vill liðsinna félaga sína, og er þá illa skipað, er þessum hórbörn-
um er innvísað, en hinar skilgetnu systur, miskunn, sannindi, réttvísi
og friðsemi, eru í brott reknar, því að illa mun sá dómur virðast fyrir
góðum mönnum, en allra verst fyrir Guði. Er æ því betur, sem þessi
kapituli er optar lesinn, þar sem um stór mál skal dæma.“
Þessi sannindi eiga eins vel við nú á dögum, eins og fyrir 700 árum.
Því skyldu þau ávallt vera okkur dómurum leiðarljós í öllu okkar starfi.
86