Tímarit lögfræðinga - 01.11.1981, Blaðsíða 43
sem fjölluðu um málið, tækifæri til að meta hagsmuni allra málsaðila
með hliðsjón af fleiri atriðum en hinar hefðbundnu skaðabótareglur
leyfa. Ekki skal þó lagður dómur á, hvort það hefði leitt til sanngjarn-
ari lykta lögskipta tjónþola og GÞ og BS en verulegar líkur eru til þess.
Lokaorð
Tilgangur framangreindra athugasemda við dóm Hæstaréttar, upp-
kveðinn hinn 31. mars 1981, er sá að vekja athygli á því, að mörg rök
eru til þess að lögfest verði hér á landi víðtækari lækkunarheimild en
felst í núgildandi lögum, þ.e. heimild, sem taki til allra launþega, án
tillits til þess, við hvaða starf þeir vinna, er þeir valda tjóni. Hins
vegar hefur ekki verið vikið að almennri lagaheimild til að lækka eða
fella niður skaðabætur, eins og lögleidd hefur verið í Svíþjóð og Finn-
landi.9 Slík lagaheimild er miklu víðtækari en heimildir þær, sem
hér hefur verið fjallað um og mætti rita langt mál um það efni.10
9 Sbr. Jan Hellner. Skadestándsratt. 3. útg. Stockholm 1976, bls. 298-302 og Hans
Saxén. Skadestándsratt. Ábo 1975, bls. 162-5.
10 Gestur Jónsson, sem nú er héraðsdómslögmaður í Reykjavík, skrifaði veturinn
1974-1975 ritgerð til kandidatsprófs í lögfræði við Háskóla íslands. Ritgerðin nefnist
„Almenn heimild til lækkunar skaðabóta". Hún hefur ekki verið gefin út, en á aðal-
fundi Lögfræðingafélagsins árið 1975 hélt Gestur fyrirlestur mn hluta efnis þess, er
ritgerðin fjallar um, sbr. frétt í Tímariti lögfræðinga 1975, bls. 183.
157