Tímarit lögfræðinga - 01.11.1981, Blaðsíða 51

samvinnu á þessu sviði. Var siðan gestunum sýnt húsnæði ráðuneytisins, sem
fyrir 2—3 vikum hafði flutt f ný húsakynni (í fyrsta sinn um aldir). — Hið
gamla „Kanslihus" fellur nú undir nýbyggingu þinghússins sem nú er hafin.
Dómsmálaráðuneytið ásamt skrifstofum forsætisráðherrans hafa þó aðeins
flutt yfir „Strömmen" handan þinghússins. Um kvöldið var gestunum búin
veizla í veizlusalarkynnum ríkisstjórnarinnar, ,,Haga“-höllinni. 23. júní var
flogið í lítiili þotu (8 farþega) til Umeá í Norður-Svíþjóð, tæpt klukkustundar
flug. Var gestunum sýnt þar, fyrir hádegi, nýjasta fangelsisbygging í Svíþjóð,
sem tekin var í notkun í maíbyrjun s.l. — Var farið mjög gagngert um allar
vistarverur og vinnustaði. Var þessi skoðunarferð mjög fróðleg, þar sem
skipulag stofnunarinnar verður um margt nýstárlegt og fangelsið lítið, fyrir
um 20 vistmenn og yfirsýn góð. Lýsti forstöðumaður stofnuninni fyrir gest-
unum. Að þessu búnu var setinn hádegisverður Landshöfðingjans í Vestur-
Botni, Sven Johansson, en síðan var flogið til norðurs með þotunni til náma-
bæjarins Kiruna, talsvert norðan við heimskautsbaug. Var lögreglustöð bæj-
arins, sem er mjög nýleg, sýnd gestunum. Einkum var gerð grein fyrir björg-
unarstarfsemi og búnaði lögregluliðsins, sem annast þau störf í víðlendustu
og strjálbýlustu fjallahéruðum Svíþjóðar, í háfjöllunum í kring um Kebnekaise
nærri landamærum Noregs. Voru sýndar litskyggnur af þyrlu- og fjallgöngu-
leit að týndum manni, sem ætlað hafði að klífa einn hátind Kebnekaise
(2111 m.) Hann hafði fundizt látinn í fjallaskorningum eftir langa leit.
Var förinni nú enn haldið áfram, nú í norðvestur, með tveimur litlum þyrl-
um, sem rúmuðu, eins og þotan, aðeins þá átta farþega sem í förinni voru,
en það voru ráðherrarnir og ráðuneytisstjórar þeirra og eiginkonur. Var nú
flogið að ferðamannaslóð, Björkliden við Narvíkur-járnbrautina, nærri norsku
landamærunum. Var þar tekin gisting. Var síðan næsta morgun þyrlunum
flogið aftur til Kiruna, en nú um hreindýraslóðir og á milli fjallatinda í ná-
grenni Kebnekaise í allt að 1900 metra hæð. — Var síðan fylgzt með um-
ferðarlöggæzlu lögreglunnar í Kiruna á hraðbrautum utan bæjarins og sýnd
voru tæki hennar til hraðamælinga og ölvunarmælinga. Var síðan skoðuð
Sama (Lappa) byggð í bænum Jukkasjárvi. — Síðan var flogið með þotunni
frá Kiruna til Stokkhólms eftir hádegið. Um kvöldið hafði dóms- og kirkju-
málaráðherra boð inni fyrir gestgjafa sinn og ýmsa gesti með honum, og
var sá fagnaður haldinn á vegum Ingva Ingvarssonar, ambassadors, á heim-
ili hans. Lauk heimsókninni þar með.
(Fréttatilkynning dóms- og kirkjumálaráðuneytisins 6. júlí 1981).
SKIPAÐ í FÉLAGSDÓM
Samkvæmt 3. grein laga nr. 80/1938 um stéttarfélög og vinnudeilur var
skipað í Félagsdóm til þriggja ára frá 1. október 1980 að telja.
Dóminn skipa þessir menn:
Þorsteinn Thorarensen borgarfógeti, skipaður af Hæstarétti, og er hann
forseti dómsins.
Halldór Þorbjörnsson yfirsakadómari, skipaður af Hæstarétti.
165