Tímarit lögfræðinga - 01.11.1981, Qupperneq 50

efnahagslegri misneytingu á vanmáttugum þjóðum, spillingu og vonskuverk-
um ríkisstjórna.
Ekki er nóg að viðurkenna lög og rétt í orði kveðnu. Það þarf tafarlaust
á staðnum og stundinni að taka upp harða baráttu gegn réttleysi.
Það er ekki nóg að viðurkenna heimsfrið í orði kveðnu. Ofbeldisárás, hvar
sem hún er gerð og hver sem að henni er valdur er brýnt vandamál, sem
sérhverjum' lögfræðingi kemur við, og í raun og veru brýnasta vandamál
mannkynsins alls.
DÓMSMÁLARÁÐHERRAFUNDUR
OG RÁÐHERRAHEIMSÓKN
Dómsmálaráðherrar Norðurlanda komu saman til fundar á Bornholm í
Danmörku 17.—18. júní s.l. — Friðjón Þórðarson, dóms- og kirkjumálaráð-
herra sótti fundinn af íslands hálfu og var Baldur Möller, ráðuneytisstjóri í
fylgd með honum. Ákveðið hafði verið, á s.l. vetri, að höfuðviðfangsefni á
fundinum yrði umræða um fíkniefnavandamái. Urðu umræður um það efni
mjög ítarlegar. Ráðherrunum kom saman um, að þótt samvinna viðkomandi
yfirvalda á Norðurlöndum hefði um alllangt skeið verið góð og farið vaxandi
á þessu sviði, væri þróun á útbreiðslu fíkniefna uggvænleg, og bæri brýna
nauðsyn til að auka og skipuleggja þá samvinnu enn betur, einnig á alþjóð-
legum vettvangi. Var rætt ítarlega um harðnandi ásókn hinna vel skipulögðu
fíkniefnasala, og um mögulegar leiðir tii að mæta þeirri þróun, en ekki er
rétt að greina frá því efni í einstökum atriðum. Þá var og rædd hin félags-
iega hlið þessara vandamála og nauðsyn á þvt að virkja skólana, heilbrigðis-
yfirvöld og uppalendur til varnar gegn neysluþróun á þessu hættusviði. —
Önnur viðfangsefni fundarins hurfu nokkuð í skuggann fyrir fíkniefnaumræð-
um. Var þó rætt nokkuð um vaxandi áhyggjur af útbreiðslu myndefnis með
ofbeldisinnihaldi í skjóli örrar þróunar á notkun myndsegulbanda, sem erfitt
væri að hamla gegn, án þess að ganga nærri tjáningarfrelsi. Var ákveðið
að leita samráðs við ríkissaksóknara landanna um þetta efni. Meðal ann-
arra málefna, sem rædd voru á fundinum, má nefna samvinnu á sviði lög-
gjafar um eftirlit með útlendingum og á sviði kaupalaga. — Á fundinum var
undirritaður Norðurlandasamningur um rétt norrænna ríkisborgara til að beita
eigin tungu í öðru norrænu landi, eftir því sem við yrði komið, í samskiptum
við stjórnvöld.
Að loknum fundi dómsmálaráðherranna þáði Friðjón Þórðarson boð starfs-
bróður síns í Svíþjóð, Carls Axels Petri, um að heimsækja Svíþjóð, til við-
ræðna um sameiginleg áhugaefni dómsmálaráðuneytanna á sviði löggjafar
og iagaframkvæmdar. Stóð sú heimsókn dagana 22.—24. júní. Með Friðjóni
Þórðarsyni og eiginkonu hans var Baldri Möller og eiginkonu boðið til þess-
arar heimsóknar. Viðræður fóru fram milli ráðherranna í dómsmálaráðu-
neytinu hinn 22. júní og var þar rætt m.a. um refsiviðurlög og refsifram-
kvæmd, ennfremur um hjúskaparlöggjöf (fjérmál hjóna) og um óvígða sambúð
og fjármál sambúenda; í þessu sambandi einnig um framhald norrænnar
164