Tímarit lögfræðinga - 01.10.1985, Blaðsíða 41

sambærilegra samtaka í tugum erlendra ríkja, sbr. hrd. 23.457. Fer
STEF þannig með höfundarrétt að nær öllum tónverkum, erlendum
og innlendum, sem verndar njóta. (Sjá Sigurður Reynir Pétursson:
Um meðferð höfundarréttar að tónlist hér og erlendis í Morgunblað-
inu 8. maí 1982).
8.1.1. Skýringarreglur í 27. og 28. gr. höfl.
1 2. málsgr. 27. gr. er tekið fram, að afhending eintaks af verki til
eignar feli ekki í sér framsal á höfundarrétti að verkinu, nema þess
sé sérstaklega getið. 1 1. málsgr. 28. gr. segir, að framsal höfundar-
réttar veiti framsalshafa ekki rétt til að gera breytingar á því, nema
svo hafi verið um samið. í 2. málsgr. 28. gr. er framsalshafa bannað
að framselja öðrum höfundarréttinn án samþykkis höfundar. Ef rétt-
urinn er þáttur í eignum fyrirtækis, má þó framselja hann ásamt því
eða tiltekinni grein þess, en framseljandi ber eftir sem áður ábyrgð á
skuldbindingum sínum gagnvart höfundi.
8.1.2. Ógildingarregla 29. gr. höfl.
29. gr. geymir almenna heimild til að ógilda framsal höfundarréttar.
Samkvæmt ákvæðum 29. gr. má ógilda framsal í heild eða í einstökum
atriðum, ef framsalið myndi leiða til niðurstöðu, sem væri bersýnilega
ósanngjörn. Sama gildir, ef ákvæði í framsalsgerningi brýtur mjög í
bága við góðar venjur í höfundarréttarmálum. Þessi ákvæði eru rýmri
en almennar ógildingarreglur samningalaga og lýsir það sér meðal
annars í því, að taka má tillit til atvika, sem gerst hafa eftir samn-
ingsgerð. (Sjá greinargerð með frv. til höfl., sbr. Alþt. 1971, A-deild,
bls. 1297).
8.1.3. Ákvæði um útgáfusamninga, samninga um flutningsrétt
og samninga um kvikmyndagerð.
1 32.-42. gr. höfl. eru ákvæði, sem eru fyrst og fremst til fyllingar
og skýringar tilteknum tegundum samninga um framsal höfundar-
réttar. Eru þessar reglur frávíkjanlegar, nema 37. gr.
8.2. Erfðir.
Að höfundi látnum fer um höfundarrétt eftir almennum reglum
erfðalaga, en höfundur getur þó í erfðaskrá gefið tiltekin fyrirmæli
um framkvæmd höfundarréttar að sér látnum, sbr. nánar 31. gr.
höfl. Aðeins fjárhagslegar heimildir höfundarréttar ganga að erfðum,
111