Tímarit lögfræðinga - 01.05.1991, Blaðsíða 35

Stefán Geir Þórisson lauk embœttisprófi frá lagadeild Háskóla
íslands í júní 1990 og hefur síðan starfað hjá lögfrœðideild
Húsnœðisstofnunar ríkisins. Auk þess hefur hann slarfað við
rannsóknir á sviði Evrópubandalagsréttar fyrir ýmsa aðila.
Stefán Geir Þórisson:
DÓMSTÓLL EVRÓPUBANDALAGSINS
Grein þessi er lítið breytt erindi sem höfundur flutti á námsstefnu Lögfrœð-
ingafélags íslands um Evrópurétt í Viðey 28. september 1990.
EFNISYFIRLIT
1. INNGANGUR
2. EÐLI
3. HLUTVERK
4. SKIPULAG OG UPPBYGGING
5. DÓMARAR
6. AÐALLÖGSÖGUMENN
7. UNDIRRÉTTURINN
8. DÓMSVALD
9. TÚLKUNARAÐFERÐIR
10. LOKAORÐ
1. INNGANGUR
Dómstóll Evrópubandalagsins (hér á eftir einnig nefndur Dómstóllinn) var
settur á stofn árið 1953, og starfaði þá sem dómstóll Kola- og stálbandalags
Evrópu. Eftir að Efnahagsbandalag Evrópu og Kjarnorkubandalag Evrópu
voru sett á stofn árið 1957, starfaði Dómstóllinn hins vegar fyrir öll þrjú
bandalögin. Dómstóllinn var aðeinseitt dómstigþangað til seinnihluta árs 1989,
en með ákvörðun ráðsins frá 24. október 1988 var komið á fót öðru lægra settu
dómstigi, sem hér mun verða nefnt Undirrétturinn. Undirrétturinn getur aðeins
dæmt í vissum málum sem almennt eru ekki talin til hinna mikilvægari.
Dómstóllinn hefur frá upphafi haft aðsetur í Lúxemborg. Hann hefur ætíð
gegnt veigamiklu hlutverki í þróun málefna Evrópubandalagsins.
5
33