Tímarit lögfræðinga - 01.05.1991, Blaðsíða 51
AÐALFUNDUR LÖGMANNAFÉLAGS ÍSLANDS 1990
Aðalfundur L.M.F.Í. árið 1990 var haldinn 30. mars á Hótel Sögu. Gestur
Jónsson hrl. var endurkjörinn formaður og auk hans voru kosnir í stjórnina sem
meðstjórnendur þeir Atli Gíslason hrl. og Ólafur Gústafsson hrl. til tveggja ára.
Fyrirí stjórninni sitjaBaldur Guðlaugsson hrl. og Þórunn Guðmundsdóttir hrl. í
varastjórn voru kosnir Árni Vilhjálmsson hdl., Óskar Magnússon hdl. og
Sigurður G. Guðjónsson hrl.
Á fundinum voru eftirtaldir lögmenn kosnir til að gegna ýmsum trúnaðar-
störfum á vegum félagsins:
Endurskoðendur: Gústaf Þór Tryggvason hdl. og Othar Örn Petersen hrl. Til
vara Guðjón Ármann Jónsson hdl.
Gjaldskrárnefnd: Hilmar Ingimundarson hrl., Páll A. Pálsson hrl. og Örn
Höskuldsson hrl. Til vara: Haraldur Blöndal hrl., Kristinn Hallgrímsson hdl. og
Guðni Haraldsson hdl.
Laganefnd: Othar Örn Petersen hrl., Skarphéðinn Þórisson hrl., Gunnar
Guðmundsson hdl., Andri Árnason hdl. og Hlöðver Kjartansson hdl.
Kjaranefnd: Gísli Baldur Garðarsson hrl., Hallgrímur B. Geirsson hrl.,
Sigurður H. Guðjónsson hrl., Friðjón Örn Friðjónsson hdl. og RúnarMogensen
hdl.
Námssjóður: Hákon Árnason hrl., Jónas A. Aðalsteinsson hrl. og Jóhann
Níelsson hrl. Til vara: Sveinn H. Valdimarsson hrl., Skarphéðinn Þórisson hrl.
og Stefán Pálsson hrl.
Gestur Jónsson hrl. formaður flutti skýrslu stjórnar í upphafi minntist hann
látins félaga, Ólafs Þorgrímssonar hrl.
Á starfsárinu voru haldnir 7 félagsfundir. Félaginu bárust 24 erindi, þar sem
stjórnin var beðin umsagnar um leyfisumsóknir til málflutnings fyrir héraðs-
dómi. Stjórnin mælti með 12 umsóknum, ákvað að mæla ekki gegn 10
umsóknum, en mælti gegn 2 umsóknum. Nýir félagsmenn frá síðasta aðalfundi
voru 23, þar af 6, sem höfðu leyst til sín eldri málflutningsréttindi. Á starfsárinu
fengu 2 héraðsdómslögmenn leyfi til málflutnings fyrir Hæstarétti.
Á starfsárinu bárust stjórninni 42 kærur og ágreiningsmál eða 7 fleiri en á
síðasta starfsári. Úrskurður var kveðinn upp í einu máli, 6 mál voru afgreidd
með álitsgerðum, eitt mál var afturkallað, 23 mál voru felld niður, 2 málum var
vísað frá, en 9 málum var ólokið er starfsárinu lauk.
Formaður vék að ýmsum þáttum félagsstarfsins í ræðu sinni en almenn
félagsstarfsemi var með svipuðum hætti og undanfarin ár. Einnig greindi hann
49