Tímarit lögfræðinga - 01.05.1991, Blaðsíða 55
ÍSLENSK RITASKRÁ UM EVRÓPUBANDALAGIÐ OG
FRÍVERSLUNARBANDALAGIÐ
Þórhallur Vilhjálmsson lögfræðingur tók saman
Skrá þessi var upphaflega samin í janúar sl., að ósk Ólafs Walters Stefánsson-
ar skrifstofustjóra í dómsmálaráðuneytinu, en birtist hér nokkuð endurbætt. í
henni er að finna rit og tímaritsgreinar eftir íslenska höfunda og í íslenskum
þýðingum, sem fjalla um Evrópubandalagið, EB, skipulag þess og réttarreglur,
aðild íslands að Fríverslunarsamtökum Evrópu, EFTA og stöðu EFTA-
ríkjanna ásamt sérhagsmunum íslendinga gagnvart EB. Skráin er unnin upp úr
tilvísunum, sem var að finna í Háskólabókasafni, Landsbókasafni og í heimilda-
skrám einstakra höfunda. Skráin geymir 84 tilvísanir, þær elstu frá árinu 1957,
en af heildarfjöldanum eru 54frá árunum 1987-1990. Miðaðervið, aðskráin nái
til ársloka 1990, þó með þeirri undantekningu, að getið er um eitt rit frá þessu
ári. í skránni er getið ritgerða nemenda til lokaprófs í lögfræði og viðskiptafræði
við Háskóla íslands. Áhersla var lögð á að skrá efni, sem birst hefur í Tímariti
lögfræðinga, Úlfljóti og Fjármálatíðindum. Þá er, auk einstakra rita með
tilgreindum höfundum, að finna ýmis konar rit, sem ýmsar stofnanir og
félagasamtök hafa látið frá sér. í skránni er ekki að finna blaðagreinar. Á það
verður að leggja áherslu, að hún er ekki tæmandi.
Skrá þessi er í tveimur hlutum. í þeim fyrri er höfundum raðað í stafrófsröð
ásamt titlum, en innan hornklofa er efninu lýst í fáunr orðum. Þar sem slíkar
lýsingar vantar, hefur efnið hvorki verið til staðar í Háskólabókasafni né
Landsbókasafni. í síðari hlutanum er að finna vísi að efnisflokkaðri skrá, með
þeirri undantekningu að námsritgerðum er raðað eftir því, hvort þær eru til
lokaprófs í viðskiptafræði eða lögfræði. Ljóst er að flokkun eftir efni á tiltölulega
afmörkuðu sviði, getur verið umdeilanleg, þar sem efnið skarast og flokkunin er
háð mati. Efnisflokkaða skráin hefur fyrst og fremst þann tilgang, að auðvelda
mönnum frekari aðgang að efninu og vera til leiðbeiningar fyrir þá, sem óska
frekari upplýsinga í höfundaskránni.
I. HÖFUNDASKRÁ
1. Alda Hjartardóttir
Saga og þróun Evrópubandalagsins og áhrif innri markaðar 1992 á umheim-
inn. Námsritgerð - viðskiptafræði, haust 1989.
[Söguleg þróun EB, uppbygging og stofnanir. Aðdragandinn að innri
markaðnum og áhrif hans á aðrar þjóðirj
53