Tímarit lögfræðinga - 01.09.1994, Page 46

Hjörtur O. Aðalsteinsson
er héraðsdómari í Reykjavík
Hjörtur O. Aðalsteinsson:
HUGLEIÐINGAR UM KYNFERÐISBROT í LJÓSI
LAGABREYTINGA OG NÝLEGRA DÓMA
Stofn þessarar greinar er erindi, sem höfundur hélt á málþingi uppeldis-
skólanna þann 23. mars 1994.
1. INNGANGUR
Kynferðislegt ofbeldi og önnur kynferðisbrot hafa undanfarið verið mjög til
umfjöllunar og hefur dómskerfið oft verið gagnrýnt fyrir meðferð sína á þess-
um málum. Þjóðfélagið krefst þess að kynferðisbrotamenn hljóti þunga dóma
fyrir athæfi sitt. Hafa dómstólar oft setið undir óvæginni gagnrýni fyrir væga
dóma og strangar sönnunarkröfur í þessum málaflokki. Þann 8. mars 1994, á
baráttudegi gegn kynferðislegu ofbeldi, gengu konur fylktu liði til að vekja
athygli á óviðunandi réttarstöðu fórnarlamba kynferðisofbeldis og afhentu
ráðamönnum réttarkerfisins áskorun, þar sem eftirfarandi var beint til þeirra:
að þeir tryggi að hraðað verði úrbótum á réttarstöðu fórnarlamba kyn-
ferðisofbeldis;
að þeir hlutist til um að endurmat fari fram á gildandi kröfum um
sannanir í kynferðisbrotamálum;
að þeir sjái til þess að komið verði á reglum um nálgunarbann, þegar
líf og heilsa fórnarlamba kynferðisofbeldis er í veði vegna ofsókna of-
beldismanna;
að þeir beiti sér fyrir að á komist hið fyrsta ríkisábyrgð á greiðslum
miskabóta til fórnarlamba kynferðisofbeldis;
síðast en ekki síst, að þeir beiti áhrifum sínum í þá veru að kvenfjand-
samleg og fordómafull meðferð réttarkerfisins á kynferðisbrotamálum
heyri fortíðinni til.
112