Tímarit lögfræðinga - 01.10.1998, Blaðsíða 36

ígildi dómstóls. Hér hljóta aðrir læknar að geta haft sínar skoðanir óháð miska-
töflunni.
Sú er líka raunin. Dómkvaddir matsmenn hafa ekki fylgt töflu örorkunefndar
í mötum sínum.
Einnig er ákaflega óeðlilegt að sami aðili og ákvarðar miska og örorkustig
semji líka þær töflur sem ákvarðanimar byggjast á. Slíkt fær örorkunefnd allt of
mikið vald.
Þá er vandséð hvað örorkunefnd eiginlega er, hvers konar stjómvald. Má
kæra ákvarðanir hennar til ráðherra? Þarf mat dómkvaddra matsmanna til að
hnekkja ákvörðun hennar eða nægir að læknir eða læknar sitji í dómi?
11.3 Endurupptaka eldri mála
Eins og fram kemur í þessari grein og fyrmefndum greinum þeirra Gests og
Gunnlaugs er óhjákvæmilegt að breyta ákvæðum skaðabótalaga til að tjón
slasaðra sé bætt að fullu og hinum slösuðu ekki mismunað annað hvort eftir
aldri eða því hvort þeir stunda launaða vinnu eða ekki þegar slysið verður.
Lögin og framkvæmd þeirra hefur verið með þeim hætti að einhver hundruð
einstaklinga sitja eftir með smánarbætur fyrir alvarlega lrkamsskaða. Það er
algerlega óviðunandi ef í ljós kemur að þessir áverkar koma til með að hafa
meiri afleiðingar á vinnugetu hins slasaða en fram kom í álitsgerð örorku-
nefndar eða ef það reynist vera rétt sem vísbendingar eru um og nefndar eru í
þessari grein að örorkunefnd hafi í störfum sínum vanmetið bæði miska og
varanlega örorku slasaðra.
Af þessu leiðir að óhjákvæmilegt er að hafa í lögunum ákvæði til bráða-
birgða um rýmri endurupptökurétt mála heldur en er í 11. grein laganna vegna
slysa sem urðu og verða frá gildistöku laganna 1. júlí 1993 þar til ný lög taka
gildi.
11.4 Skaðabótalög og ákvæði stjórnarskrár
Að því hefur verið ýjað og einhver dómsmál þegar farið af stað þar sem
byggt er á því að tilteknar greinar skaðabótalaga séu í andstöðu við stjórnarskrá
Lýðveldisins Islands. Það ætti að vera óumdeilt eftir ítarlega umfjöllun og rök-
stuðning þeirra Gests og Gunnlaugs að 6. grein laganna bætir ekki fjártjón
slasaðs manns að fullu. Jafnljóst er að 8. grein felur í sér mismunun slasaðra
eftir aldri og eftir því hvort þeir hafa fyrir slys aflað tekna með vinnu sinni eða
ekki.
Einfalt dæmi: Jón og Páll eru tvíburabræður, synir togaraskipstjóra á Akur-
eyri.
Þeir ætla báðir að leggja fyrir sig sjómennsku og hafa starfað við það á
sumrin. Hvorugur þeirra er mikill bóknámsmaður. Páll hóf störf sem háseti 16
ára strax að loknu grunnskólaprófi. Arslaun Páls eru kr. 4.000.000. Jón vildi
ljúka stúdentsprófinu áður en hann færi alveg á sjóinn. Þeir slasast báðir 19 ára
204