Tímarit lögfræðinga - 01.07.2002, Page 66

Ef orðalag framangreindrar undantekningar í dóminum er túlkað í samræmi
við þær meginreglur sem 4. og 6. gr. laganna eru byggðar á verður að ætla að
einvörðungu hafi verið heimilt að leggja á B-gatnagerðargjald áður en verki
var lokið þegar þau skilyrði væru uppfyllt 1) að komið hafi verið nálægt
verklokum 2) að eftir hafi verið einungis minniháttar framkvæmdir og 3) að
hægt hafi verið að reikna út eða áætla með nokkurri vissu hvað sá verkþáttur
mundi kosta, þannig að tryggt væri að ekki yrði innheimt gjald umfram
kostnað.
I 2. málsl. 2. mgr. 6. gr. laganna er tekið fram að sveitarstjórn sé heimilt að
ákveða í samþykkt að greiðslu B-gatnagerðargjalds sé dreift á tiltekið árabil
eftir því sem nánar sé tiltekið í samþykktinni. I athugasemdum við frumvarp
það er varð að lögum nr. 51/1974 um gatnagerðargjöld er tekið fram að þessu
ákvæði sé ætlað að létta greiðslubyrði húseiganda.4
2.2.8 Tímafrestur varðandi álagningu B-gatnagerðargjalda og fyrning
krafna til heimtu gatnagerðargjalda
B-gatnagerðargjöld var heimilt að leggja á gjaldendur vegna lagningar
bundins slitlags og gangstétta sem framkvæmd var eftir gildistöku laga nr.
51/1974. Óheimilt var talið að leggja slík gjöld á vegna framkvæmda sem átt
höfðu sér stað fyrir gildistöku laganna enda þá um afturvirka gjaldtöku að ræða,
sbr. H 1984 560. Þá má einnig geta þess að það var niðurstaða félagsmála-
ráðuneytisins í úrskurði frá 20. september 2001 að samningur Seltjarnames-
hrepps við lóðarleigutaka frá 1966, um að hann skyldi greiða gatnagerðargjöld
þegar götur og tilheyrandi lagnir hefðu verið lagðar um hverfið, skorti lagastoð.
Af þeim sökum voru gjöld, sem lögð voru á eiganda, lóðarleigutakann, árið
2001 á grundvelli samningsins, felld úr gildi.
í 4. gr. laga nr. 51/1974, sbr. 1. gr. laga nr. 31/1975, mátti innheimta B-gatna-
gerðargjald vegna gatna sem bundið slitlag hafði verið sett á og gangstéttir
lagðar við, enda væri ekki lengri tími en fimm ár liðinn frá þeim fram-
kvæmdum. Samkvæmt ákvæðinu höfðu sveitarstjórnimar því valdheimildir í
fimm ár til álagningar gjaldanna. Eftir þann tíma glötuðu þær þessum heimild-
um þannig að ákvarðanir sveitarstjómar um álagningu B-gatnagerðargjalda
eftir fimm ára tímamarkið voru ógildar, sbr. t.d. úrskurð félagsmálaráðuneyt-
isins frá 10. nóvember 1997.
Gatnagerðargjöld, sem löglega höfðu verið á lögð innan framangreinds fimm
ára frests, fymdust á fjórum árum skv. 3. tölul. 3. gr. laga nr. 14/1905 um
fymingu skulda og annarra kröfuréttinda.
4 Alþt. 1973, A-deild, bls. 1543.
160