Ægir - 01.04.1996, Qupperneq 12

Þorsteinn ætti að fá orðu
segir Jónas Jakobsson um samkomulag ráðuneytisins við smábátaeigendur
„Mér finnst Þorsteinn Pálsson hafa unnið gífurlega gott starf ásamt
aðstoðarmanni sínum, Ara Edwald, og að mínu áliti ætti Þorsteinn að
fá orðu fyrir góða úrlausn þessa erfiða máls. Þetta var stórpólitískur
sigur ráðherrans og árásir manna á hann vegna þessa máls eru lítt
grundaðar," sagði Jónas Jakobsson, formaður Smábátafélags Reykja-
ness, í samtali við Ægi um samkomulag um afla smábáta sem ráðu-
neyti sjávarútvegs hefur lagt fyrir Alþingi. Félagar eru á annað hundr-
að og félagið með þeim stærri innan Landssambands smábáteigenda.
„Það er stutt síðan að ég kunni yfir-
völdum litlar þakkir fyrir tök þeirra á
þessum málum en þetta er sigur í
pattstöðu," segir Jónas.
Samkomulagið felur í sér að árlega
fái smábátar að veiða sem nemur
13,9% af þorskafla en aldrei minna þó
minna en 21.500 tonn en það er
einmitt 13,9% af leyfðum þorskafla
þessa árs. Reiknað er með gildistöku
1. september 1996 og afli sem fer
fram yfir þessi mörk á næsta fiskveiði-
ári kemur til frádráttar á næsta ári þar
á eftir.
„Ég er mjög ánægður með þetta
samkomulag og kostir þess eru fjöl-
margir. Ég get ekki séð annað en smá-
bátaeigendur geti vel lifað við þetta
samkomulag en einn stærsti kostur
þess er þó sá að hver hópur tekur
ábyrgð á sínu kerfi og hvorugur geng-
ur á hlut hins.
Annað sem er ekki síður mikilvægt
er að um þetta ætti að geta náðst mik-
il samstaða og þannig gæti lokið þeirri
sundrungu og ósamkomulagi sem var
að sundra samtökum smábátaeig-
enda."
Jónas telur að sá sáttagrundvöllur
sem í samkomulaginu felst sé gífurlega
mikilvægur þar sem ella hefði það blas-
að við að Landssamband smábátaeig-
enda myndi liðast í sundur.
„Nú þurfum við ekki lengur að
steyta hnefann hver framan í annan."
Hvaða áhrif til fjölgunar eða fækk-
unar telur þú að samkomulagið muni
hafa?
„Ég tel að úreldingarákvæði og
heimildir um aflaframsal innan kerf-
isins leiði til fækkunar smábáta. Það
skiptir miklu máli að sala kvóta er
ekki heimil til aðila utan kerfis."
Samþykkt er að afli fyrsta árs dregst
frá afla næsta árs verði farið fram úr
mörkum. Menn segjast sjá nú þegar
teikn á lofti um að þetta muni gerast.
Standa þá ekki smábátamenn ,í sömu
sporum, þ.e. of margir bátar, of lítill
afli?
„Þessi staða á eftir að koma upp. En
fari svo þá er það algjörlega vegna
vinnubragða smábátamanna sjálfra
og þeir geta engum öðrum um kennt.
Það sem mun vega á móti þessu er
fyrirsjáanleg fækkun smábáta ásamt
væntanlega auknum þorskafla. Út-
hlutun næsta fiskveiöiárs mun skera
úr um það hve mikil fækkun daga
verður á næsta ári."
Allra bjartsýnustu spár reikna með
að þorskafli verði aukinn um 50 þús-
und tonn á næsta ári. Gróflega reikn-
að fengju smábátar rúm 6 þúsund
tonn af því.
í samkomulaginu felst að veiðikerfi
fyrir krókabáta verða þrjú, þ.e. bátar á
þorskaflahámarki, bátar á sóknarkerfi
með línu- og handfæraleyfi og sókn-
ardagabátar á handfærum. Margir
smábátar völdu þorskaflahámark á
síðasta ári en nú verður endurval
heimilt til 1. júlí. Telur Jónas ab
kvótabátum muni fjölga?
Jónas Jakobsson fonnaður Smábátafélags Reykjaness segir að Þorsteinn Pálsson eigi skilið
að fá orðu frá smábátamönnum. Hann segir að nú sé runninn upp tími friðar og sátta
meðal sjómanna á smœrri bátum.
12 ÆGIR