Ægir

Árgangur

Ægir - 01.04.1996, Blaðsíða 16

Ægir - 01.04.1996, Blaðsíða 16
menn sjálfir að gera. Stjórnmálamenn verða að fara að horfast í augu við raun- veruleikann og taka á málinu. Það er ekki mjög flókið." Bönnum framsal veiðiheimilda Hver er lausn málsins? Er með einföld- um hætti hægt að koma í veg fyrir þetta? „Við getum stöðvað þetta ef sjómenn láta okkur hafa vopnin með því að leggja fram kærur. Hitt er svo annað mál að með lögum sem banna framsal og leigu aflaheimilda yrði þetta úr sögunni. Mér finnst að þær aflaheimildir sem ekki eru veiddar eigi að ganga aftur til ríkisins sem getur þá út- deilt þeim aftur á næsta fiskveiðiári. Þetta myndi þýða friðun á hluta aflans á fyrsta fiskveiðiárinu en eftir það kæmist jafn- vægi á. Ef menn ekki veiða þær heimildir sem þeir fá þá þurfa þeir ekki á þeim að halda. Ríkið mætti mín vegna taka nokkrar krónur fyrir þetta og kalla það umsýslu- gjald eða veiðileyfagjald, mér finnst ekki skipta máli hvað þetta heitir. Það er skömminni skárra að ríkið fái nokkrar krónur en að það brask viðgangist sem líðst í dag." Myndi þetta ekki kollvarpa kerfinu? „Ég get ekki séð það. Veðsetningar, veiðileyfi og hlutfail manna í heildarafla myndi ekki breytast. Það mætti áfram selja skip með veiðiheimildum. Hitt er svo annað mál að það skortir pólitískan vilja fyrir breytingum af þessu tagi eða þá að alþingismenn skilja ekki vandann." Er þá mikill fjöldi útgerða sem á kvóta sem þær veiða ekki? „Það er fjöldi manna sem situr hlæj- andi á bryggjupollanum meðan sá sem leigði af þeim kvótann fer af stað í vit- lausu verði til að berja upp aflann til þess að selja hann fyrir jafnmargar krónur og eigandinn fær í leigu." Hverjir eru það helst sem leigja frá sér kvóta? „Það eru útgerðarmenn sem senda sín skip í úthafið, á Flæmska hattinn eða í Smuguna. Loðnuflotinn sér fram á heils- ársverkefni á nótaveiðum og þau skip eiga sum hver töluverðan þorsk- og rækjukvóta sem er þá allur í leígu." Það er aldrei erfitt að fylgja sannfæringu sinni Eru þá þínir umbjóðendur, farmenn og fiskimenn, almennt á móti kvótakerf- inu? „Við höfum alltaf sagt að ef tækist að sníða þá vankanta af kerfinu sem ég hef minnst á þá erum við í sjálfu sér ekki á móti kerfinu sjálfu. Það er enginn póli- tískur vilji til þess að gera þetta kerfi mannlegra og meðan svo er þá hefur FFSÍ hafnað þessu kerfi." Þú gagnrýnir stjórnmálamenn fyrir skort á vilja til lagfæringa en ert þú ekki einn þessara stjórnmálamanna þar sem þú ert varaþingmaður Vestfirðinga í liði ríkisstjómar? „Það er rétt en ég hef aldrei hvikað frá skoðun minni á kvótakerfinu og göllum þess. Ég hef ekkert verið sammála mín- um flokki í þessu og er ekki enn og hlýt því að spyrja mig hvort ég eigi eitthvert erindi í þessum flokki. Framsókn í stjórn- arsamstarfi við Sjálfstæðisflokk er vond ríkisstjórn." Finnst þér ekkert erfið staða að vera varaþingmaður stjórnar sem þú styður ekki? „Það er aldrei erfið staða að fylgja sannfæringu sinni. Það hef ég gert." Tökum þessu með fullri varúð Eitt af því sem mikið hefur verið rætt er frumvarp félagsmálaráðherra sem boð- ar breyttar samskiptareglur á vinnumark- aði við vinnudeilur og verkföll. Sumir kalla þetta aðför að verkalýðshreyfing- unni. Ert þú sammála þessu? „Já, eins og málið er nú fram sett. Ég tel hins vegar að menn verði að skoða það mjög vandlega hvað þarna er á ferð- inni og hvort er verið að taka af mönn- um einhvern rétt. Ég held að í sumum tilvikum geti verið varasamt að krefjast þess að skilyrði verkfallsboðunar sé ævin- lega atkvæðagreiðsla. Stjórnir og trúnaðarmannaráð sem hingað til hafa haft þetta vald eru sett saman af þeim mönnum sem besta yfir- sýn hafa og eru best meðvitaðir um rétt- indi og skyldur. Hinn almenni félags- maður er kannski óánægður og greiðir því atkvæði með verkfalli. Þetta gæti leitt til þess að verkföll yrðu boðuð þó stjórn og trúnaðarmannaráð teldu það óskyn- samlegt. Þó meirihluti sé óánægður er ekki víst að menn hafi nauðsynlega yfir- sýn. Flestir horfa aðeins á sitt starfsum- hverfi og taka ákvörðun út frá því. En ég sé í þessu frumvarpi ákvæði um ákveðið ferli í samningaviðræðum og vald sáttasemjara til að koma á viðræð- um áður en til verkfalls kemur og þetta tel ég til bóta því oft hafa útgerðarmenn neitað að ræða við sjómenn fyrr en í óefni er komið og það hefur þurft að draga þá að samningaborðinu með verk- fallsátökum. Við tökum þessu með fullri varúð og ég tel vafasamt að hrófla við kerfi sem byggir á áratuga hefð. Ég hef ekki séð að menn hafi beítt verkfallsvopninu gáleys- islega undanfarin ár. Þvert á móti hefur verið gripið til þess í nauðvöm." Góður skipstjóri er gulls ígildi Nú býst ég við að það sé ímynd flestra að skipstjórar séu allvel launaðir. Er þá nokkur þörf á verkföllum? „Það er rétt að margir skipstjórar hafa ágæt laun. Skipstjórar hafa tvöfaldan há- setahlut en þeir greiða líka hærri skatta því þegar skattakerfinu var breytt í stað- greiðslukerfi var sjómannafrádrættinum breytt í fasta tölu í stað hlutfallstölu áður og stigum við þar með skref til launajöfn- unar. Hann er nú tæpar 700 krónur fyrir hvern skráningardag. Þetta þýðir að skip- stjórar borga hlutfallslega meira af laun- um sínum í skatta en undirmenn þeirra." Nú skilst mér að margir skipstjórar séu yfirborgaðir með því að þeim sé greitt föst prósenta af aflaverðmæti ofan á tvö- faldan hlut. Er þetta algengt? „Góður skipstjóri er gulis ígildi fyrir útgerðina. Skipstjórar í nágrannalöndun- um hafa margir meira en tvo hluti, allt upp í þrjá og hálfan. Ef yfirborganir eru útbreiddar þá gott og vel en ég hef engin dæmi um slíkt á mínu borði." Betri Stýrimannaskóla Er eitthvað baráttumál sem skipstjór- ar vilja sækja sérstaklega? „Mér finnst orðið brýnt að hyggja að endurmenntun skipstjóra og að útgerðin taki þátt í því. Endurmenntunar er þörf á tæknisviði og í öryggismálum. 1 6 ÆGIR
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Ægir

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Ægir
https://timarit.is/publication/584

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.