Ægir - 01.11.1998, Side 5

Pétur Bjarnason, formaður stjórnar Fiskifélags Islands:
SAMLEIÐ MEÐ ÍSLENSKUM SJÁVARÚTVEGI
Menntun
í sjávarútvegi
ví hefur oft verið haldið
fram - og sennilega með
réttu - að íslenskt
atvinnulíf hafi ekki haft
næg afskipti af þróun
menntunar í samfélaginu.
Afleiðing þessa er sú að skólar og
atvinnulíf hafi þróast í sitt hvora
átt báðum til tjóns og samfélaginu
einnig. Þetta afskiptaleysi hefur
átt við sjávarútveg, eins og aðrar
atvinnugreinar. Þó er rétt að geta
þess að starfsmenntaskólar
sjávarútvegsins, sem annast hafa
vélstjórnarfræðslu, stýrimanna-
fræðslu og fiskvinnslufræði hafa
notið stuðnings sjávarútvegsins og
ýmis samtök í sjávarútvegi hafa
með beinum og óbeinum hætti
haft áhrif á þróun þeirra. Þá er
einnig rétt að benda á forgöngu
og frumkvæði Fiskifélags íslands á
þessu sviði, en félagið stóð lengi
vel fyrir námskeiðum á öllum
þessum sviðum í samræmi við
stefnu félagsins um að stuðla að
sem mestum framförum í
greininni. Fiskifélagið annast enn
sjóvinnukennslu og almenna
kynningu á hafinu og nýtingu
þess fyrir grunnskólanemendur
um allt land, og sinnir þannig afar
mikilvægu samfélagslegu hlut-
verki.
Ýmis teikn eru um breytta
menntastefnu. Svo virðist sem
atvinnulífinu verði ætlað
veigameira hlutverk varðandi
þróun skólastarfsins en hingað til
hefur verið. Ástæða er til að fagna
þeirri þróun. íslensk skólastefna
verður í verulegum mæli að taka
mið af því að þjóna atvinnulífinu,
hvort sem um er að ræða
sjávarútveg eða aðrar greinar þess.
Og atvinnulífið má ekki skerast úr
leik að taka þátt í að móta þá
þróun sem í vændum er.
Það er ánægjulegt að sjá að
samtök í íslenskum sjávarútvegi
virðast ætla að taka þessi mál
föstum tökum. Þannig var
umræða um menntamál veiga-
mikil á nýlegum aðalfundum
Landssambands íslenskra
útvegsmanna og
Samtaka fiskvinnslu-
stöðva og Verka-
mannasamband
íslands hélt nýlega
ráðstefnu þar sem
rækilega var fjallað
um menntunarmál
greinarinnar. Þá er
þess skemmst að
minnast að ýmis
hagsmunasamtök í
íslenskum sjávar-
útvegi, svo sem
Vélstjórafélag íslands,
hafa á opinberum
vettvangi fjallað mikið
um menntastefnu í
sinni grein. Allt ber
þetta þess vott að
íslenskur sjávarútvegur er
reiðubúinn að axla ábyrgð í
þessum efnum og þótt ljóst sé að
menn greini á í einhverjum
þáttum, þá er hitt mikilvægara að
menn hafa gert sér ljóst að í
þessum málum er verk að vinna.
Fiskifélag íslands hafði, eins og
að framan er getið, frumkvæði að
því að bjóða upp á starfsmenntun
fyrir íslenskan sjávarútveg. Félagið
er að sjálfsögðu reiðubúið til að
leggja enn frekari hönd á þennan
plóg. Félagið er í þessu efni, eins
og öðrum, reiðubúið að leggja
þeim málum lið, sem vilji
sjávarútvegsins stendur til.
-----------------ÆGIR 5