Ægir - 01.11.1998, Side 34

Sfldin að gefa sig
fyrir vestan landið
Y Jtn margt minnir sfldarvertíðin,
það sem afer hausti, á vertíðina
í fyrra. Sií var töluvert lakari ett árið
á undan, veiðar gengu erfiðlega og
einna helst að bátar ttœðu árangri
með flottrolli. Að undanfórnu hefur
svipað verið uppi á teningnum ett þó
er athyglisvert að veiðanlegt magn af
sfld finnst nú úti fyrir Vesturlandi og
það segja fiskifrœð-
ingar vera mynstur
sem þekkist frá
gömlu góðu
sfldarárunum.
Á síldarárunum,
þ.e. fyrir um 30
árum, var mikil síld-
veiði úti fyrir Vestur-
landi og þegar nú
bregður svo við að
mikið finnst af síld á
svæðinu vaknar sú
spurning hvort
hegðunarmynstur
síldarinnar sé að
taka á sig mynd síldaráranna.
Rannsóknarleiðangur mun leiða í ljós
nú í lok nóvember hvort svo er en á
hinn bóginn vekur það miklar
áhyggjur hversu lítið er af síldinni á
þekktum veiðislóðum fyrir Aust-
fjörðum. Varla er hægt að segja að þar
hafi fundist síld í haust nema á
Héraðsflóadjúpinu og þar stendur hún
svo djúpt að ógjörningur er að ná
henni nema í flottroll. Að vísu byrjaði
vertíðin ágætlega í haust en engu er
líkara en síldin hafi forðað sér af
svæðinu þegar flotinn byrjaði að
veiða.
Síldin sem hvarf
Sumargotssíldarstofninn hrundi árið
34 miu----------------------------
1970 og árin þar á eftir voru notuð til
að byggja stofninn upp að nýju með
þeim litlu torfum sem eftir voru við
landið. Mælingar höfðu sýnt að stofn-
inn var vaxandi og því voru það mikil
vonbrigði þegar síldin gaf sig ekki fyrir
Austurlandi nú í haust. Tengsl kunna
þó að vera milli þess og síldartorfanna
sem nú finnast úti fyrir Vesturlandi.
Flottrollið virkar
Hörður Guðmundsson, skipstjóri á
Þorsteini EA, var kominn með um 250
lestir af síld á Héraðsflóadjúpinu þegar
Ægir náði tali af honum. Hann sagðist
eingöngu nota flottrollið við veiðarnar
en stöku bát takist að kroppa eitthvað
upp með nótinni.
„Ég geri ráð fyrir því að bátum fjölgi
strax á svæðinu ef síldin fer að gefa sig
en vertíðin er mjög lík því sem var í
fyrra. Þá þýddi heldur ekkert að reyna
með öðru veiðarfæri en flottrollinu,"
sagði Hörður en Þorsteinn EA var á
kolmunnaveiðunum fram í nóvember
en hætti þeim eftir að kolmunninn
gekk inn í færeysku lögsöguna.
Mikið síldarmagn á
vestursvæðinu
Grímur Jón Grímsson, skipstjóri á
nótaskipinu Antares frá Vestmanna-
eyjum, fékk 500 tonn af síld í nót í
fyrsta túrnum á Kolluálssvæðið fyrir
vestan land. Hann segir síldar-
skipstjórana sammála um að mun
meira magn sé á svæðinu en fyrir aust-
an land og
þarna sé um
góða síld að
ræða.
„Það var vitað
í fyrra um
síldartorfurnar
hér fyrir vest-
an en þá fór
enginn á
svæðið. Ég
fékk síðan
staðfest í vetur
að netabátar
hefðu orðið
varir við síld-
ina og þá ákváðum við að fara á
svæðið núna í haust og reyna fyrir
okkur. Árangurinn af því var góður og
ég vonast til þess að við getum verið á
þessu svæði fram til jóla," segir
Grímur Jón en Antares landar síldinni
í heimahöfn í Vestmannaeyjum.
„Mér finnst yfirgnæfandi líkur til að
þessi síld hafi verið hér í fyrra líka.
Spurningin er sú hvort tengsl séu á
milli ástandsins hér fyrir vestan og
fyrir austan en mér finnst ekki ólíklegt
að síldin hafi gengið að austan vegna
þess að það er búið að hræra mikið í
henni þar með flottrolli," sagði
Grímur Jón Grímsson, skipstjóri á
Antares VE.