Ægir - 01.11.1998, Síða 11
SAMLEIÐ MEÐ ÍSLENSKUM SJÁVARÚTVEGI
fiska. Veðrið mætti vera betra enda
hjálpar það örugglega ekki að hafa
mikla brælu. En það er góð tilfinning
að vera kominn af stað og með fyrstu
fiskana í lest," sagði Sveinn Rúnar.
Hann segir að vel hafi gengið að
draga línuna og búnaðurinn virðist
skila því sem ætlast var til. Eina atriðið
sem olli erfiðleikum í byrjun var
tölvustýringin á línulögninni en
Sveinn Rúnar átti ekki von á öðru en
úr því yrði hægt að bæta. „Línulögnin
skiptir mjög miklu máli hvað varðar
árangurinn í veiðunum og þess vegna
þurfum við að fá þetta atriði í gott lag.
En við hefðum þurft að vera komnir
hingað mánuði fyrr til að geta verið
innan um Japanana þegar þeir voru
hér að fiska. Sá síðasti fór daginn eftir
að við komum hingað, tveir eða þrír
voru að fara til Japan en ætluðu að
reyna fyrir sér við Kanada. Ég veit hins
vegar ekkert hvert sá síðasti fór."
A bjartsýninni einni saman
Fyrstu fiskarnir sem Byr fékk voru á
bilinu 130-150 kíló, feitir og góðir.
Sveinn Rúnar væntir þess að hægt
verði að halda skipinu stöðugt út til
þessara veiða.
„Já, hugmyndin er að við getum
verið við túnfiskveiðar árið um kring.
Vitneskjan er mjög lítil um túnfisk-
veiðar svona norðarlega enda er að-
eins að baki þriggja ára veiðireynsla í
landhelginni. Japanarnir voru að gera
hér ágæta veiði síðari hluta nóvember
í fyrra, hvað svo sem veldur því að
þeir eru farnir núna. Við búum ekki
yfir meiri vitneksju en aðrir í þessum
efnum og erum að treysta mikið á
bjartsýnina. Við tökum mikla áhættu
og höfum ekki í neina varasjóði að
hlaupa ef þetta verkefni klikkar," segir
Sveinn Rúnar og aðspurður hver afl-
inn þurfi að vera til að dæmið gangi
upp svarar hann að ásættanlegt verði
að ná um 500 kílóum á dag.
„Það koma greinilega tímabil í
þessu sem eru betri en önnur. Síðsum-
ars virðist veiðin best og ef við náum
Byr VE siglir inn í heimahöfh í Vestmannaeyjum eftir breytingarnar í Póliandi sem
kostuðu um 90 milljónir króna.
góðum árangri á þeim tíma þá gætum
við komist yfir annan tíma þrátt fyrir
lítinn afla."
Fleiri útgerðir hafa áhuga
á túnfiskveiðunum
Þótt verð fyrir túnfisk sé hátt er það
samt nokkru lægra en í fyrra. Þar kem-
Þetta ágœta tœki er notað til að þreyta
túnfiskinn. Ef líkja œtti þessu við eitthvað
annað þá vceri það helst laxahjól.
ur til efnahagslægðin í Austur-Asíu en
verð fór af þeirri ástæðu niður í um
1500 krónur fyrir kílóið. Sveinn Rúnar
bendir á að þar sé líka um að ræða
mun fituminni fisk og þar af leiðandi
sé ekki óraunhæft að miða við um
2000 krónur fyrir kílóið af þeim fiski
sem Byr er að veiða þessa dagana.
„Við erum mjög sáttir við það sem
við höfum séð í byrjuninni. Við erum
að draga línuna á svipuðum hraða og
þeir japönsku, drógum til að mynda
40 mílna langa línu á sjö tímum og
það er eðlilegur tími. Ég á fastlega von
á að fleiri íslenskar útgerðir hugi að
túnfiskveiðunum enda margar með
skip sem geta náð kvótanum sínum á
hálfu ári og gætu haft þetta sem verk-
efni á móti. Við getum til að mynda
verið að hefðbundnum línuveiðum
þrátt fyrir að búnaðurinn sé sérhæfður
en markmið okkar er að halda úti á
túnfiskveiðum árið um kring. Væntan-
lega munu aðrar útgerðir halda að sér
höndum og sjá hvernig okkur gengur
áður en þær ráðast í þetta verkefni,"
segir Sveinn Rúnar Valgeirsson, tún-
fiskveiðiskipstjóri.
Ncm ii