Árbók Háskóla Íslands - 01.02.1948, Side 120

118
stúdentaráð áskorun til háskólaráðs þess efnis, að það veitti sér-
staklega fé til bókasafnsins til kaupa á erlendum fræðitímaritum.
6. Gamla mötuneytið. Eins og getur í skýrslu síðasta stúdenta-
ráðs, þá hafði stúdentaráð látið skuldamál mötuneytisins allmikið
til sín taka. Mál þetta leystist þó ekki að öllu eins giftusamlega og
þar er gert ráð fyrir.
Þegar nú fráfarandi stúdentaráð fer að hafa afskipti af mál-
inu, stóð það þannig, að skuld mötuneytisins var ca. 46 þús kr.,
en þar af var dómur fyrir kr. 30.000.00. Loforð voru og frá há-
skólaráði og Garðsstjórn um kr. 8.000.00 hvort, ef málinu yrði lok-
ið. Þeir stúdentar, sem við mál þetta voru riðnir, töldu ómögulegt
að hægt væri að lækka þessa skuld frekar, og fóru fram á styrk frá
stúdentaráði, og var samþykkt að veita þeim jafnan styrk og há-
skólaráð og Garðsstjórn og með sömu skilyrðum.
Einnig var reynt að fá háskólaráð til að hækka sitt framlag, en
það tókst ekki. Mun málið nú vera endanlega úr sögunni.
7. Bridgekeppni. Stúdentaráð gekkst fyrir tvímenningskeppni í
bridge, og lauk keppninni 6. marz s. 1. með sigri þeirra Geirs Þor-
steinssonar og Páls Hannessonar, sem báðir eru í verkfræðideild.
Keppnin fór fram á Gamla-Garði.
8. Áskorun var samþykkt til viðskiptanefndar þess efns, að hún
sjái um, að gjaldeyrismálum íslenzkra stúdenta erlendis verði
komið í viðunandi horf.
9. Lán og styrkir. „Orator“, félagi laganema, var veitt 1500 kr.
lán til þess að standast straum af fjölritun á lögfræðilegum fyrir-
lestrum.
Félagi læknanema var veittur styrkur, 1500 kr., til þess að stand-
ast straum af sendingu fulltrúa á læknanemamót í London.
Þá var Fél. læknanema og veitt lán að upphæð 7 þús kr. til náms-
bókakaupa. „Orator" var einnig veittur 1000 kr. styrkur vegna
stúdentaskipta við norska laganema.
10. Flygil-kaup. Þá hefur stúdentaráð, í framhaldi af aðgerð-
um fyrra stúdentaráðs, fest kaup á mjög vönduðum konsert-flygli
frá Tékkóslóvakíu, og er hann nú kominn til landsins, en er enn-
þá á skipaafgreiðslunni. Reynt mun verða að flytja hann á Gamla-
Garð, og mun það vafalaust verða til þess að efla mjög hljómlistar-
líf meðal stúdenta. Þegar til átti að taka, kom á daginn, að Garð-
stjórn hafði ekki gefið endanlegt loforð um 12 þús. kr. framlag til
kaupa þessara, en hins vegar eru allar líkur á, að hún muni styrkja
okkur eitthvað.
11. „ísland í myndum" var sent stúdentasamböndunum í Bergen