Búnaðarrit - 01.01.1900, Qupperneq 5

Yfirlit
yfir störf Mnaðarfjelags suðuramtsins.
Með því að búnaðarfjelag suðuramtsins hefur nú
stækkað verksvið sitt, og til þess er ætlazt, að það
nái yfir allt landið, og því breytt nafninu, þá virðist
eiga allvel við, að rekja feril þess í aðalatriðunum í
þau 62 ár, sem það hefir staðið, eða frá 1837, er það
fyrst var stofnað, og til þess 1899, er því var breytt
í „búnaðarfjelag íslands“, enda þótt nákvæmlega sje
skýrt frá stofnun þess í 1. bindi búnaðarrita fjelagsins
1839, og ferill þess að nokkru rakinn í skýrslu fje-
lagsins 1887; því að þeir munu margir, einkum í hin-
um fjórðungum landsins, sem eiga eigi rit þessi. Þótt
fjelagið nái eigi enn til alls landsins, heldur að eins
til þriggja fjórðunganna, þá er vonandi, að eigi líði á
löngu, að hinn eini fjórðungurinn, sem eptir er, gangi
í fjelag þetta, því að þótt það sje eigi auðugt enn,
getur það gjört búendum mjög mikið gagn, og eflt
búnað landsins; en hitt er auðvitað, að bændur verða
að leggjast á eitt, að styrkja það. Hver einstakur bú-
andi má eigi binda hugann við það, hvort hann hafi
sjálfur gjerstakt og beint gagn af því; heldur verður
hann að láta sjer skiljast, að fjelagið geti styrkt og
eflt búnað landsins i heild sinni, og þannig stutt að
framförum landsins, og með því móti gagnað óbeinlínis