Dýraverndarinn - 01.09.1979, Page 12

lega þó stöku sinnum sé sorpið
flutt í burtu þegar forsvarsmenn
eiga von á gestum sem ætla að líta
bak við húsin. Búrin, — vistarver-
ur dýranna - eru allt of lítil. Ekki
getur krummi flogið í sínu búri og
er rétt að geta hér nokkra áratuga
gamals hæstaréttardóms þegar
maður var dæmdur í Reykjavík
fyrir að sýna hrafna í búri sem þeir
gátu ekki flogið í. Refurinn er í
búri, sem er svo lítið að það er al-
gjör dýraníðsla að geyma hann í
því, því þetta er dýr með svo mikla
hreyfiþörf. Ljónin eru ár eftir ár í
sama „bráðabirgðabúrinu" sem er
mjög lítið og dimmt. En oft hefur
samþykkt fyrir áframhaldandi
starfsleyfi fyrir safnið verið byggð
á því að nú yrði að stækka ljóna-
búrin.
Hvergi er fylgt ákvæðum reglu-
gerðarinnar um, að undirlag skuli
vera sem líkast kjörlendi viðkom-
andi dýrs og standa t.d. kindurnar
og geiturnar ár út og ár inn á
steinstétt, hafa ekki einu sinni
næturhaga. Safnið er ekki girt fjár-
heldri girðingu, enginn sérstaklega
til þess lærður vinnur við safnið.
Dýr, stór og smá eru seld úr safn-
inu til lífs innanlands. Og jafnvel
eru flutt dýr í safnið erlendis frá
án þess að innflutningsleyfi við-
komandi ráðuneytis sé fyrir hendi.
Fram til þessa dags hefur ítrek-
að verið reynt að opna augu ráða-
manna fyrir ástandinu í Sædýra-
safninu. Og krafan er sem fyrr að
verði aðbúnaður dýranna ekki eins
og best verður á kosið verði safn-
inu lokað.
Lokaorð
í lokin vil ég draga úr stóryrð-
um mínum og ánægju með fjáröfl-
unarleiðirnar, þ.e. flóamarkaðinn
og betlibréfin. Bæði er það sem inn
kemur allt, allt of lítið til þess að
raunverulegt stórátak megi gera í
dýraverndunarmálum. Við þyrftum
að hafa, ekki einn mann í vinnu
heldur fleiri, bifreið og margt
annað sem skortir sárlega. Og á
hinn bóginn er það óhæfa að rík-
ið skuli ekki styrkja dýraverndun-
arstarfið á mannsæmandi hátt og
þessir fáu aðilar sem vinna að þess-
um málum þurfa að dreifa kröft-
um sínum og nota tíma og orku í
að afla sambandinu alnauðsynleg-
asta rekstrarfjár.
J.S.
Vilt þú komast í skemmtilega og fjölbreytta vinnu?
Starfskrafta vantar við Flóamarkað
Sambands dýraverndunarfélaga íslands
Vinnutími eftir samkomulagi.
Laun engin-því enginn skemmtanaskattur
Nánari upplýsingar í síma 50137
Stjórn S.D.Í.
12
DÝRAVERM DARINN