Búnaðarrit - 01.01.1980, Blaðsíða 71

SKÝRSLUR STARFSMANNA
57
Suðurlandi 1978: Toppur 71019 2 200, Hringur 71011
1 640, Hæringur 76019 1 550, Skoti VI 64501 1 465, Dofri
70011 1 415, Fengur 69004 1 390, Laufi 70009 1 380 og
Már 72003 1 360 skammtar.
Skýrsla um sæðingar 1979 á landinu öllu er birt í starfs-
skýrslu Diðriks Jóhannssonar um Nautastöðina hér á eftir og
verður svo framvegis, þar sem Búnaðarsamband Suðurlands
hefur gerzt viðskiptaaðili að Nautastöðinni og öll starfsemin
því orðin á einni hendi. Þetta er því í síðasta sinn, sem gögn
um nautgripasæðingar verða í starfsskýrslu minni, en þar
hafa þau birzt frá árinu 1952, er ég réðst til Búnaðarfélags
íslands. Ástæðan fyrir því, að ég ákvað á sínum tíma að birta
yfirlit um nautgripasæðingar í starfsskýrslu minni, var sú, að
gögn um þær birtust hvergi annars staðar. Nú er hins vegar
komin betri skipan á þessi mál, og mun heildarskýrsla áfram
birtast í Búnaðarriti.
Það fer saman, að um leið og djúpfrysting á nautasæði
færist yfir á eina sæðingarstöð, að uppgjör sæðíngarskýrslna í
skýrsluvélum hefst. Er það spor í rétta átt. Enn er þó eftir sá
þátturinn að tengja sæðingarskýrslur skýrsluhaldi um ætt og
afurðir kúa, en að því er stefnt. Við það yrði ættfærsla
öruggari og hægt að fylgjast með afföllum til 1. burðar á
ásettum kvígum undan hverju nauti.
Afkvœmarannsóknir. Samkvæmt upplýsingum frá land-
búnaðarráðuneytinu voru 500 þús. kr. greiddar afkvæma-
rannsóknastöðinni í Laugardælum í stofnstyrk á árinu 1979.
I. Afkvœmarannsóknir í Laugardœlum. Árið 1976 voru
settar á 42 kvígur undan 7 nautum, en aðeins 32 luku 1.
mjólkurskeiði. Undan hverju af 3 nautum, þeim Rex 73016,
Sólmyrkva 74006 og Glæsi 74007, luku aðeins 4 kvígur 1.
mjólkurskeiði og 3 undan Túna 73008. Þetta eru of fáar
kvígur tii þess að byggja á afkvæmarannsókn, og verður því
sleppt að greina hér frá niðurstöðum um afurðir og bygg-
ingardóm. Hins vegar munu þær birtast í Ársriti Búnaðar-
sambands Suðurlands 1980. Þá eru eftir úr hópnum 6 dætur