Fréttablaðið - 09.01.2010, Blaðsíða 2

2 9. janúar 2010 LAUGARDAGUR
Fiskikóngurinn • Sogavegi 3 • sími 587 7755
Fiskikóngurinn • Sogavegi 3 • sími 587 7755
Súr Hvalur
Hákarlinn er kominn
Laxafl ök Beinlaus og Flott
Humar Skelfl ettur
NEYTENDAMÁL Tryggingafélög vilja
í auknum mæli nýta notaða vara-
hluti í stað nýrra þegar kemur að
lagfæringum tjónabíla. Vegna
falls krónunnar hefur verð á
nýjum varahlutum tvöfaldast til
þrefaldast.
Rót er á markaði með notaða
varahluti vegna þessa. Þannig
hafa sumir smærri partasal-
ar sem rætt hefur verið við ótt-
ast fákeppni vegna breytinga á
vinnulagi hjá Sjóvá. Þá hafi áhrif
að VÍS safni varahlutum á eigin
verkstæði með því að rífa þar
tjónabíla.
Guðmundur Ingi Þorsteinsson,
forstöðumaður tjónasviðs Sjó-
vár, telur fjarri að félagið stuðli
að fákeppni. Önnur tryggingafé-
lög hagi málum með öðrum hætti
og öflugur markaður sé með vara-
hluti vegna einkabíla. „Þessi geiri
hefur hins vegar verið eins í um
20 ár og enginn sýnt viðleitni til
að gera betur,“ segir hann. Marg-
háttaður ávinningur fylgi bættri
nýtingu varahluta, að ekki sé
talað um sparnað á gjaldeyri sem
annars færi í að kaupa nýja vara-
hluti.
„Síðastliðin ár hafa gríðarleg
verðmæti farið í súginn,“ segir
hann og kveður félagið hafa litið
til Norðurlandanna í leit að for-
dæmum um öfluga verslun með
notaða varahluti. Því hafi verið
auglýst eftir samstarfi við fyrir-
tæki sem vildu kaupa tjónabíla af
félaginu til niðurrifs. „Við feng-
um um 20 umsóknir og völdum
þá tvo sem voru með besta heild-
arpakkann,“ segir hann. Í öðru
tilvikinu er um að ræða partasölu
sem nýtekin er til starfa fyrir
austan fjall. Í hinu er um að ræða
hóp fjárfesta sem vinna að því að
koma á legg partasölu á varnar-
liðssvæðinu á Keflavíkurflugvelli.
Guðmundur segir vonir standa til
að varahlutasala hefjist þar undir
lok mánaðarins.
Fulltrúar allra tryggingafélaga
sem rætt var við leggja áherslu á
að þótt nýta eigi notaða varahluti
betur, þá séu öryggissjónarmið
höfð í hávegum.
Hækkandi verð á notuðum vara-
hlutum virðist hins vegar skrifast
á þumalputtareglu í þá veru að
notaðir varahlutir kosti um helm-
ingi minna en nýr hlutur.
Elías Pétursson hjá Aðalparta-
sölunni í Hafnarfirði kannast við
að verð varahluta hafi hækkað, en
það sé þó misjafnt eftir aldri bíl-
anna sem um ræðir. Þannig gildi
hálfvirðisreglan ekki alltaf. Stein-
ar Gunnsteinsson, verkstjóri hjá
Vöku, kveðst ekki hafa orðið var
við hækkun þar, en það kunni að
skýrast af því að bílar sem Vaka
tekur í niðurrif séu alla jafna
komnir til ára sinna.
olikr@frettabladid.is
NOTAÐIR VARAHLUTIR Svona er umhorfs í hluta partageymslu Aðalpartasölunnar í
Hafnarfirði. Hingað til hafa smærri partasalar verið ráðandi á markaði með notaða
varahluti hér á landi, en þar kann nú að verða breyting á. FRÉTTABLAÐIÐ/ANTON
Stóraukin ásókn er
í notaða varahluti
Verð á varahlutum hefur hækkað mikið eftir fall krónunnar. Tryggingafélög
leita leiða til að nýta notaða varahluti. Sjóvá selur nú tjónabíla til tveggja parta-
sala sem ætla að vera stórtækir. Smærri partasalar óttast fákeppni.
Þessi geiri hefur hins
vegar verið eins í um 20
ár og enginn sýnt viðleitni til að
gera betur.
GUÐMUNDUR INGI ÞORSTEINSSON
FORSTÖÐUMAÐUR TJÓNASVIÐS SJÓVÁR
EFNAHAGSMÁL Álag á skuldatrygg-
ingar ríkissjóðs hefur hækkað
viðstöðulaust síðan á þriðjudag
eftir að Ólafur Ragnar Gríms-
son, forseti Íslands, ákvað að setja
Icesave-lögin í hendur þjóðar-
innar en við það færði matsfyrir-
tækið Fitch lánshæfi ríkissjóðs í
ruslflokk. Álagið rauf 500 punkta
múrinn fyrir hádegi í gær sam-
kvæmt upplýsingum Credit Mark-
et Analysis og hefur það ekki
verið hærra frá í fyrrasumar.
Til samanburðar stóð álagið í
um 380 punktum í kringum síð-
ustu áramót.
Miðað við þetta eru líkurnar á
þjóðargjaldþroti nú rúmlega 29
prósent. Líkurnar á þroti Venes-
úela, sem trónir á toppnum með
945 punkta, eru 48,5 prósent.
- jab
Auknar líkur á þroti ríkisins:
500 punkta
múrinn rofinn
STJÓRNARRÁÐIÐ Ísland er í sjöunda
sæti yfir þau lönd sem mestar líkur eru
á að geti ekki staðið við skuldbindingar
sínar. FRÉTTABLAÐIÐ/GVA
BRUNI Líklegt er talið að rekja megi eldinn sem upp
kom á Hverfisgötu 28 í fyrrinótt til rafmagnsbilunar.
Einn maður á þrítugsaldri lést í brunanum en fimm
björguðust.
Ekki er ljóst út frá hverju eldurinn kviknaði en
talið að orsökin sé rafmagnsbilun. Jafnvel er hugs-
anlegt að hann hafi kviknað á neðstu hæð hússins og
borist upp í risið þar sem hann blossaði síðan upp.
Einn þeirra sem bjargaðist úr húsinu er Birkir
Grétar Halldórsson. Hann fékk að fara inn í húsið
í gær og huga að eigum sínum. Í ljós kom að hvorki
eldur né reykur höfðu unnið teljanlegt tjón í hans
íbúð, en vatnsskemmdir voru hins vegar gríðarlegar,
það sama má segja um allt húsið. Flestar eigur hans
eru ónýtar.
„Það var allt gegnsósa,“ segir Birkir, sem þó ætlar
að reyna að þurrka einhverjar eigur og sjá hvort
þeim verði bjargað þannig.
Fulltrúi frá tryggingarfélagi ætlar að kanna
aðstæður í dag og mun þá koma í ljós hvort unnt er
að gera við húsið eða hvort þarf að rífa það. Jafnvel
er talið að vatnið hafi farið svo illa með þetta gamla
timburhús að því verði ekki bjargað. - sh
Talið er að kviknað hafi í húsi við Hverfisgötu 28 út frá rafmagni:
Afar fátt heillegt eftir í húsinu
HVERFISGATA 28 Húsið er mjög laskað. Risið er nánast brunnið
af og afgangur hússins gegnsósa af vatni. FRÉTTABLAÐIÐ/GVA
Rúnar, þurftuð þið að hanna
þetta allt á einu bretti?
„Já, við brettum upp ermar og erum
búin að þessu.“
Tískufyrirtækið Nikita hefur hannað snjó-
bretti og bindingar fyrir K2, einn stærsta
snjóbrettaframleiðanda heims. Rúnar
Ómarsson er einn stofnenda Nikita.
ALÞINGI Stjórnarfrumvarp um þjóð-
ar atkvæðagreiðslu vegna Icesave-
laganna varð að lögum á Alþingi í
gærkvöldi. Frumvarpið var sam-
þykkt samhljóða með 49 atkvæð-
um. Ekki liggur fyrir hvenær þjóð-
aratkvæðagreiðslan fer fram en
þrjár dagsetningar koma til greina:
20. eða 27. febrúar og 6. mars.
Ragna Árnadóttir dómsmálaráð-
herra tekur ákvörðun um dagsetn-
ingu atkvæðagreiðslunnar að höfðu
samráði við landskjörstjórn.
Ragna mælti fyrir frumvarp-
inu. Kom fram í máli ráðherra
að um tíu þúsund kosningabærir
Íslendingar eru búsettir erlendis
sem þarf að gefa kost á að kjósa
utan kjörfundar. Utankjörfundar-
atkvæðagreiðsla hefst eftir 25. jan-
úar og verður sami háttur hafður
á og við alþingis- og sveitarstjórn-
arkosningar.
Kostnaður af þjóðaratkvæða-
greiðslunni er áætlaður um 200
milljónir króna og greiðist úr rík-
issjóði.
Fundum Alþingis hefur verið
frestað til föstudagsins 29. janúar.
- shá
Þjóðaratkvæðagreiðsla um Icesave-lögin fer fram eigi síðar en 6. mars:
Frumvarpið orðið að lögum
Spurningin sem borin verður undir
kjósendur, en hún breyttist í meðför-
um þingsins í gær, hljóðar svo:
Lög nr. 1/2010 kveða á um breyt-
ingu á lögum nr. 96/2009, um heim-
ild til handa fjármálaráðherra, fyrir
hönd ríkissjóðs, til að ábyrgjast lán
Tryggingarsjóðs innstæðueigenda og
fjárfesta frá breska og hollenska rík-
inu til að standa straum af greiðslum
til innstæðueigenda hjá Landsbanka
Íslands hf. Alþingi samþykkti lög
nr. 1/2010 en forseti synjaði þeim
staðfestingar. Eiga lög nr. 1/2010 að
halda gildi?
Á kjörseðli verða gefnir tveir mögu-
leikar á svari: Já, þau eiga að halda
gildi og Nei, þau eiga að falla úr gildi.
SPURNING Í ÞJÓÐARATKVÆÐAGREIÐSLU
Ýsa hækkar um 5 prósent
Á fundi úrskurðarnefndar sjómanna
og útvegsmanna var ákveðið að
hækka verð á slægðri og óslægðri
ýsu, sem ráðstafað er til eigin vinnslu
eða seld til skyldra aðila, um fimm
prósent. Verð á þorski og karfa er
óbreytt frá síðustu ákvörðun. Verð
þetta gildir frá og með 7. janúar 2010.
SJÁVARÚTVEGUR
LÖGREGLUMÁL Tveir hælisleitend-
ur, annar frá Albaníu og hinn frá
Líbýu, voru gripnir í fyrrinótt
þar sem þeir sigldu að skipinu
Reykjafossi á litlum heimatilbún-
um fleka og reyndu að laumast
um borð. RÚV sagði frá þessu
Flekinn er úr timbri sem tjóð-
rað er saman úr rafmagnsvír og
stroffum. Bættar gúmmíslöngur
héldu honum á floti.
Annar mannanna kastaði
spokka með krókum upp í skipið
og hífði sig upp. Þar beið lögregla
hans. Hinn reyndi að flýja en var
eltur uppi á hafnsögubát. Hugs-
anlegt er að krafist verði gæslu-
varðhalds yfir mönnunum. - sh
Laumufarþegar handteknir:
Hælisleitendur
gripnir á fleka
UMHVERFISMÁL Prentsmiðjan Oddi
hefur fengið vottun norræna
umhverfismerkisins Svansins.
Það tryggir að fyrirtækið er í
fremstu röð hvað varðar lág-
mörkun neikvæðra umhverfis- og
heilsuáhrifa.
Mikill áhugi er meðal íslenskra
fyrirtækja fyrir Svansvottun.
Íslensk Svansleyfi eru nú fimm
talsins auk þess sem fjórtán
umsóknir eru í vinnslu frá fyrir-
tækjum á ýmsum sviðum fram-
leiðslu og þjónustu.
Svanurinn er opinbert
umhverfismerki Norðurlandanna
og byggist á óháðri vottun og
viðmiðum sem taka tillit til alls
lífsferils vöru og þjónustu. Alls
er hægt að votta 66 mismunandi
vöru- og þjónustuflokka.
- shá
Fyrirtæki í fremstu röð:
Oddi tryggir sér
Svansvottun
PRENTSMIÐJAN ODDI Svansvottun er
mikill gæðastimpill. FRÉTTABLAÐIÐ/ANTON
Velja Strandamann ársins
Vefurinn strandir.is stendur nú fyrir
kosningu á Strandamanni í sjötta
sinn. Óskað er eftir tilnefningum frá
almenningi til 15. janúar. „Tilgang-
urinn með því er að vekja fólk til
umhugsunar um allt það sem vel er
gert í samfélaginu,“ segir á strandir.
is. Strandamaður ársins 2008 var
Ingibjörg Sigvaldadóttir frá Svanshóli í
Bjarnarfirði.
STRANDASÝSLA
SPURNING DAGSINS